ଲାଜକୂଳି ପ୍ରିୟା
ଲାଜକୂଳି ପ୍ରିୟା
ରଙ୍ଗ ମାରିଦେଲେ ପ୍ରେମ ହୁଏ ନାହିଁ
ଲୋଡ଼ା ହୁଏ ଦୁଇ ମନ
ପ୍ରେମ ପାଇଁ ନିଶ୍ଚେ ସହିବାକୁ ହୁଏ
ରାଗ ଋଷ ଅଭିମାନ ll
ମନେ ରହିଥାଏ ପ୍ରଥମ ସେ ଦେଖା
ସ୍ମୃତି ସବୁଦିନ ପାଇଁ
ହୃଦୟ ଭିତରେ ଉଜ୍ଜୀବିତ ହୁଏ
ଜହ୍ନ ପାଇଁ ଯେହ୍ନେ କଇଁ ll
ଭଲ ଲାଗୁଥିଲା ମଳୟ ପବନ
ପାଶେ ଯେବେ ପ୍ରିୟା ଥାଏ
ଅଳସୀ ନଈର ଅଳସ ପଣରେ
ପ୍ରିୟା ମୁହଁ ଦିଶିଯାଏ ll
ଲାଜକୁଳୀ ପ୍ରିୟା ଲାଜର ବନ୍ୟାରେ
ଓଠେ ଫୁଟିଉଠେ ହସ
ସରଳ ହୃଦୟ ପବିତ୍ର ତା ମନ
ଥାଉ ବର୍ଷ ବାର ମାସ ll