ଲାବଣ୍ୟ ପ୍ରତିମା
ଲାବଣ୍ୟ ପ୍ରତିମା
ରୂପରେ ଗୋ ତୁମେ ଲାବଣ୍ୟ ପ୍ରତିମା
ଗୁଣରେ ଅନନ୍ୟା ତୁମେ
ସରଗୁ ଓହ୍ଲାଇ ଆସିଛ ଲୋ ସଖୀ
ମୋପାଇଁ ମରତ ଧାମେ I
ତୁମନାମ ଗାଇ ଅସ୍ତାଚଳେ ଦେଖ
ଲୁଚିଲେଣି ଦିନମଣୀ
କୋକିଳ ଗାଉଛି ତୁମ ନାମେ ଗୀତ
ପାରୁନ କି ତୁମେ ଶୁଣି I
ହସି ଉଠିଲାଣି ଆକାଶେ ଚନ୍ଦ୍ରମା
ବାସ ବାଣ୍ଟିଲାଣି ରାତି
ତୁମ ପାଇଁ ସଖୀ ଫଗୁଣ ଗାଉଛି
ସରାଗେ ପ୍ରୀରତି ଗୀତି I
ତୁମ ନାଲି ନାଲି ଓଠକୁ ଛୁଆଁଇ
ଜାଳୁଛ ମୋ ଦେହେ ନିଆଁ
ଡହ ଡହ ହୋଇ ଜଳୁଛି ଲୋ ସଖୀ
ଦିଶୁନି ଟିକିଏ ଧୁଆଁ I