Library
Profile
ଅମୃତ ପ୍ରେମ
ଅମୃତ ପ୍ରେମ
ପ୍ରେମ ଚିରନ୍ତନ ସତ୍ୟ ଓ ଅଭିନ୍ନ
ଜୀବନ ସାଥିରେ ଯୋଡା,
ଗୋଟିଏ ନିୟମ ଧର୍ମ କର୍ମ ପ୍ରେମ
ସମଷ୍ଟିରେ ସୃଷ୍ଟି ଗଢା ।
ମାନବ ସଭ୍ୟତା ଆଦର୍ଶ ଦେବତା
ଦେଇଛନ୍ତି ନୀତିଶିକ୍ଷା,
ଧରାପୃଷ୍ଠେ ଆସି ପ୍ରେମକୁ ପରଶି
କରିଛନ୍ତି ସତ୍ୟ ରକ୍ଷା ।
କୃଷ୍ଣ ପାଇଁ ରାଧା , ଭୁଲି ସବୁ ବାଧା
ରଖିଲେ ପ୍ରେମର ଯଶ,
ରାମ ସାଥେ ସୀତା, ଛାଡି ତ କ୍ଷମତା
ଯାଇଥିଲେ ବନବାସ ।
ଲକ୍ଷ୍ମୀ ଠାକୁରାଣୀ ଜଗା ଦୁଃଖ ଜାଣି
ଫେରିଲେ ପାଖକୁ ଦେଖ,
ପ୍ରେମ ଯୁଗେ ଯୁଗେ ପବି
ତ୍ର ଶାଶ୍ଵତ
ତାଙ୍କ ଠାରୁ ଏହା ଶିଖ ।
ଆମେ ତ ମାନବ ତାଙ୍କରି ସୃଷ୍ଟିର
ବୁଝି ତ ଅବୁଝା ହେଉ,
ନ ବୁଝି ତ ଅର୍ଥ କରିକି ଅନର୍ଥ
ଅବାଟରେ ତାକୁ ନେଉ ।
ଆତ୍ମା ସଙ୍ଗେ ଆତ୍ମା ମିଳନ ହୁଅଇଁ
ସେହି ଏକା ପ୍ରେମ ଶବ୍ଦ,
କାମ ଲୋଭ କ୍ରୋଧ କରିଛୁ ଆୟୁଧ
ଦେବତା ଦେଖିକି ସ୍ତବ୍ଧ ।
ଶିକ୍ଷା ଆମ ଗୋଟା କରୁଛୁ ଓଲଟା
ଦୁଃଖ ମିଳେ ସେଥିପାଇଁ,
ଥରେ ଅର୍ଥ ବୁଝି ଜିତିଯାଅ ବାଜି
ପ୍ରେମ ପାଇଁ ମନା ନାହିଁ ।।
