ପ୍ରିୟତମା

କେତେଦିନ ହେଲା ଚିଠିଟେ ଦେଇନି

             ଭୂଲି ଗଲିଣି ତା ନାଁ

ଅଙ୍କାବଙ୍କା ନଈ ଆରପଟେ ଦିଶେ

             ତା ଝୁମ୍ପୂଡି ଟିକି ଗାଁ (୧)

ପ୍ରଥମ ଦେଖାରେ କହିଥିଲା ସିଏ

              ସହରଟା ଭାରି କ୍ରୁର

ସେ ସହରେ ରହି ପରଦେଶୀ ହେଲି

         ସିଏ ବି ଦେଉନି ଖଣ୍ଡେ ପତର(୨)

କହିବ କେ ତାକୁ ବୁଝେଇ ସୁଝେଇ

           ଏ' ତ ମୋବାଇଲ ଯୁଗ

ରାତି ଦଉଡୁଛି ଦିନ ଦଉଡୁଛି 

   ନାହିଁ ଆଉ ଚିଠି ନାହିଁ ଆଉ ତା'ର ଭାବ(୩

ଡାକବାଲା ଆଉ ଡାକ ଛାଡୁନାହିଁ

            ଚିଠି ନିଅ ଚିଠି ନିଅ 

'ମାଗୁଣି ଶଗଡ' ଗଡୁନି ଗାଆଁରେ

        ଠେକା ବାନ୍ଧୁନାହିଁ ଚଷାପୁଅ (୪)

କନକ ଗୋରୀ ସେ ରୂପର ମାଧୁରୀ

          ତୁଠେ ମାଜୁଥାଏ ଦେହ

ଆଜି ବି କହୁଛି ତମ ସହରଟା

           ମୋ ଗାଆଁ ପରି ନୁହଁ (୫)