ଲେଖୁଛି ଆଜି ମୋ ପ୍ରିୟତମା ପାଇଁ
ଲେଖୁଛି ଆଜି ମୋ ପ୍ରିୟତମା ପାଇଁ
ତୋର ରୂପ ଆଉ ଲାବଣ୍ୟ ଯେ
ଅମାପ ଅମୃତ ଭରା
ସ୍ୱର୍ଗର କୁସୁମ ଅବା ପାରିଜାତ
ସତେ ଅଟୁ କି ଅପସରା ll 1 ll
ନୀଳ ନୟନକୁ ଗୋଲାପୀ ଓଠ ତୋ
ଅଟେ ଅନିନ୍ଦ୍ୟ ସୁନ୍ଦର
ଘନ କଳା କେଶ ନେଳିଆ ଆଖିକୁ
ସତେ ଅମାପ ସାଗର ll 2 ll
ବଦନ ଯେ ତୋର ପୂର୍ଣ୍ଣିମାର ଚାନ୍ଦ
କଥାରେ ମଧୁ ଝରଇ
ଆଖି ଦ୍ୱୟ ତୋର ପଦ୍ମ କମଳ
ପୁଲକ ଭରି ଦିଅଇ ll 3 ll
ଚାଲି ତୋର ସତେ ରାଜ ହଂସିନୀ
କଥାରୁ ଅମୃତ ଝରଇ
ଚନ୍ଦ୍ରମାରେ ଯେ କଳଙ୍କ ଥାଏ
ତୋ ପାଖେ ନ ମିଳଇ ll 4 ll
ପ୍ରକୃତି ତୋତେ ଲୋ ଗଢ଼ିଛି ସତେ
କି ଉପାଦାନ ଦେଇ
ଗୋଟେ ଚାଉଳରେ ଗଢିଦେଲା ସେ
ସତେ ସ୍ୱର୍ଗ ଅପ୍ସରୀ ତୁହି ll 5 ll
ଭାଗ୍ୟର ଆକାଶେ ଚନ୍ଦ୍ରମା ଅଟୁ ତୁ
ସତେ ପଦ୍ମ ପତ୍ର ମୁହିଁ
ତୋର ସୌନ୍ଦର୍ଯ୍ୟକୁ ଦେଖି ଦେଖି ପ୍ରିୟା
ରାତିଟା ଯାଏ ଯେ ପାହି ll 6 ll
ନୀଳମ୍ବୁ ଆକାଶେ ଭସା ବାଦଲ ତୁ
ପାହାଡ଼ ଶୋଭାକୁ ଛୁଇଁ
ମେଘ ସଵାରୀରେ ଧରାକୁ ଆସୁ ତୁ
ବର୍ଷାର ଆଶ୍ରା ତୁ ନେଇ ll 7 ll
କେଉଁ ଉଦ୍ଦେଶ୍ୟରେ ବିଶ୍ୱ ବିଧାତା
ତୋତେ ଯେ ଗଢ଼ିଛନ୍ତି
ତୋ ସୌନ୍ଦର୍ଯ୍ୟ ଭରା କାୟା ବିସ୍ତାରି
ସଭିଙ୍କ ମନକୁ ଜିଣନ୍ତି ll 8 ll
ପ୍ରିୟତମା ମୋର କୋଟି ଗୁଣନିଧି
କି ଉପମା ଦେବି ବା ତୁମକୁ
ତୁମ ଦିବ୍ୟ ଗୁଣ କରିବାକୁ ବର୍ଣନା
ନିଅଣ୍ଟ ହେଉଛି ମୋ ଲେଖନୀକୁ ll 9 ll