ପ୍ରିୟତମା
ପ୍ରିୟତମା
ନା ପାରିଜାତ ନା ଜହ୍ନତାରା
ନାହିଁ କାହା ସଙ୍ଗେ ତୋ ଉପମା
ପ୍ରେମକୁ ମୋହର କରିଣ ଗ୍ରହଣ
ତୁମେ ସାଜିଲ ମୋ ପ୍ରିୟତମା।
ଶିଶିର ବୁନ୍ଦା ସମ ଅଟୁ ତୁ ପବିତ୍ର
କାହିଁ କରିବି ମୁଁ ତୋ ତର୍ଜମା
ମନ ଆକାଶରେ ସ୍ଥାନ ଦେଇ ମତେ
ତୁମେ ସାଜିଲ ମୋ ପ୍ରିୟତମା।
ଦେଖିଲେ ବି ତୋତେ ଦିନରାତି ବସି
ମୋ ହୃଦୟ ବୁଝୁନି ଜମା
ଭଙ୍ଗା ହୃଦୟକୁ ପୁଣି ଯୋଡ଼ିଦେଇ
ତୁମେ ସାଜିଲ ମୋ ପ୍ରିୟତମା।
ଅସମ୍ପୂର୍ଣ୍ଣ ବାକ୍ୟ ଥିଲି ମୁଁ
ସମୂର୍ଣ୍ଣ କଲ ଯୋଡି ପୂର୍ଣ୍ଣଛେଦ ଓ କମା
ସାର୍ଥକତା ମୋର ହୋଇଲା ପ୍ରକାଶ
ଯେବେ ସାଜିଲ ମୋ ପ୍ରିୟତମା।