ପ୍ରିୟତମା
ପ୍ରିୟତମା
ପ୍ରିୟା ଗୋ' ତୁମେ ମୋ' ମନବଗିଚାର ପ୍ରୀତିଭରା ଝରାଫୁଲ,
ନାଚି ନାଚି ଯାଅ ଖିଲିଖିଲି ହସି
ଦିଶୁଥାଅ ଝଲମଲ ।।
ତୁମେ ତ' ହସିଲେ ମୁକୁତା ଝରଇ
ଝରଇ ମଧୁର ପୀୟୂଷ,
ଜହ୍ନ ଖସିଆସେ ମରତଭୂଇଁକୁ
ପାଇବାକୁ ତୁମ ପରଶ ।।
ତୁମରି ରୂପରେ ଜହ୍ନ ପଡେ ଫିକା
ଫିକା ବି ପଡେ ସୂରୁଜ,
ତୁମରି ଓଠର ଲାଲିମା ଆଗରେ
ଫିକାପଡେ ନାଲି ମୁରୁଜ ।।
ଖୋଜୁଥିଲି ଏକ ଜୀବନସାଥୀ ମୁଁ
ହୄଦୟ ମୋ' ଥିଲା ଖାଲି,
ଏତେ ଦିନ ପରେ ତୁମକୁ ପାଇଲି
ପାରିବିନି କେବେ ଭୁଲି ।।
କେମିତି ଆସିଲ,ମନେ ଘର କଲ
ମୁଁ ଜାଣେନା ତ' ଜମା,
ମୋ' ଆୟୂଷ ନେଇ ସୁଖେ ରହିଥାଅ
ମୋ' ଅବୁଝା ପ୍ରିୟତମା ।।