କବିତା ପର୍ବ : (ଅତିରିକ୍ତ) ଗୀତିକବିତା-32 : ତୁମେ : -ଡକ୍ଟର କୃତ୍ତିବାସ ନାୟକ
କବିତା ପର୍ବ : (ଅତିରିକ୍ତ) ଗୀତିକବିତା-32 : ତୁମେ : -ଡକ୍ଟର କୃତ୍ତିବାସ ନାୟକ
କଥା ଦେଇଥିଲ ତୁମେ ମୋର ହାତ ଧରିକି,
ମୋତେ ନେଇଯିବ ଘର ଦିନେ ରାଣୀ କରିକି | (ଘୋଷା)
ଏବେ ତୁମ ନୀରବତା ଜାଳିଦିଏ ପରାଣ,
ତୁମ ଆଚରଣ ଦେଖି ବଢେ ହୃଦ ସ୍ପନ୍ଦନ,
ତୁମେ ଯଦି ଭୁଲିଯାଅ ମରିଯିବି ଝୁରିକି,
କଥା ଦେଇଥିଲ ତୁମେ ମୋର ହାତ ଧରିକି,
ମୋତେ ନେଇଯିବ ଘର ଦିନେ ରାଣୀ କରିକି | (1)
ମୋର ମନ ଫୁଲବନେ ଭରା ଏବେ କୁହୁଡ଼ି,
ତୁମପାଇଁ ଜଳାଇଛି ଆଲୋକର ଦିହୁଡ଼ି,
ଥରେ ଆସ ଦେଖିବି ମୁଁ ନିଜ ମନ ଭରିକି,
କଥା ଦେଇଥିଲ ତୁମେ ମୋର ହାତ ଧରିକି,
ମୋତେ ନେଇଯିବ ଘର ଦିନେ ରାଣୀ କରିକି | (2)