ପ୍ରିୟତମା
ପ୍ରିୟତମା
ବିଶ୍ୱାସ ଆଶା ମୋ ଜପେ ତୋତେ ରାତ୍ର ଦିନ l
ମୋର ଭାଗ୍ୟଲକ୍ଷ୍ମୀ ଦେଖେ ତୋ ହୃଦ ସପନ l
ଆସ ଆସ ପ୍ରିୟତମା ଆସ ମୋର କୋଳେ l
କିଞ୍ଚିତ କଥାଟି ମୋତେ ଜଣାଅ ସଧିରେ l
କାନ୍ତା ବିନା କାନ୍ତ ଝୁରେ ସର୍ବଦା ମଉନେ l
ବିକଳ ଜୀବନ ମରେ ଅଭାବ କଷଣେ l
ତୋର ଗୁଣ ପାଇଁ ମୋର ଜୀବନ ଝୁରୁଛି l
ମୋର କୋଟି ହୀରା ମୋତି ହୃଦୟ କାନ୍ଦୁଛି l
କେତେ ଦୂରେ କୁମୁଦିନୀ ଚନ୍ଦ୍ର କେତେ ଦୂରେ
ପ୍ରୀତି ଭାବ ପରସ୍ପର ଦେଖାନ୍ତି ଆଦରେ l
ଦେଖାଏ ପ୍ରୀତିର ପ୍ରଭା ଶୀତଳ କିରଣ l
ସର୍ବଦା କୁମୁଦ ଝୁରେ ନ କରି ବାରଣ l
ନୀଳିମା ଆକାଶ ପୁରି ପୁରାଏ ଆଲୋକ l
କୋଟି ହୀରା ମୋତି ସମ ମୁଁ ତୋର ପ୍ରେମିକ l
ଲୁହର ଝରଣା ବହୁ ଅଛି ନିରନ୍ତର l
କାନ୍ଦଣା ତରଙ୍ଗ ବହି ଲଭଇ କାତର l