କୁଳର ଚିରାଗ
କୁଳର ଚିରାଗ
1 min
183
କୁଳର ଚିରାଗ ମୋର
ରଙ୍କୁଣୀ ପସରା
ତୁହି ମୋ ଜୀବନ ଧନ
ନୟନର ତାରା ।
ଗଳାର ରତନ ମୋତି
ମୋ ହୀରା ମାଣିକ୍ୟ
ତୋତେ ଦେଖି ବାବୁରେ ମୋ
ଲିଭି ଯାଏ ଶୋକ ।
ତୁହି ମୋ ଭାଗ୍ୟାକାଶେ
ପୂର୍ଣ୍ଣିମାର ଚାନ୍ଦ
ତୋତେ ହାତେ ପାଇ ଧନ
ଚାଲି ଯାଏ ଦ୍ଵନ୍ଦ ।
କ୍ଷୁଧା ତୃଷା ପଥ ଭୂଲେ
ଦେଖି ଦେଲେ ଥରେ
ପ୍ରାଣ ମୋର ଛାଡି ଯାଏ
ଚାଲି ଗଲେ ଦୂରେ ।
ଆଖିର ସପନ ତୁହି
ପାହାନ୍ତିଆ ତାରା
ଧ୍ରୁବ ସମ ଜ୍ୟୋତି ତୋର
ଅନ୍ଧକାରେ ତୋରା ।
ମୋ ଆୟୁଷ ତୋ ଲଲାଟେ
ଲେଖି ଦେଉ ବିଧି
ସୁଖରେ ଅନ୍ତିମ କାଳେ
ହୃଦେ ଥାଆ ବନ୍ଦୀ ।
ତୋ ନେତ୍ର ଚିରାଗେ ବାବୁ
ଚାଲୁ ଥିବି ପଥ
ସୂର୍ଯ୍ୟ ସମ ରୂପ ଦେଖି
ଟଳୁ ମୋର ରଥ ।
ବଳ ବୀର୍ଯ ହେଉ ତୋର
ଧନଞ୍ଜୟ ପରି
ମନେ ସ୍ଥାନ ପାଇ ଥାନ୍ତୁ
କୃଷ୍ଣ ଦଇତାରୀ ।