କଥା କହିବା କେମିତି

ମାଆଙ୍କ ସହିତ ହୃଦୟର କଥା କହୁଥିବା ମନଖୋଲି,

ବାପାଙ୍କ ସହିତ ସମ୍ମାନର ସହ କଥାକହି ଯିବାଚାଲି ।

ପତି-ପତ୍ନୀ ମିଶି ସତ୍ୟ ଆଳାପ କରିବେନି କେବେହେଲେ,

ଭାଇଙ୍କ ସହିତ ହୃଦୟ ମିଶିବ ବିଚାର ବିମର୍ଷ କଲେ ।

ଭଉଣୀ ସହିତ ଶ୍ରଦ୍ଧାପୂର୍ଣ୍ଣ କଥା ସ୍ନେହ ରଖିଥିବ ମନେ,

ଶିଶୁଙ୍କୁ ପାଇଲେ ଉତ୍ସାହର ବାଣୀ ଭରିଦେବା ତାଙ୍କ କାନେ ।

ସଂପର୍କୀୟ ସହ ସୁଖ-ଦୁଃଖ ବାଣ୍ଟି ହସିହସି ହେବାକଥା,

ସାଙ୍ଗ-ସାଥୀ ସହ କଥା ହେବାବେଳେ ଗମ୍ଭୀର ହୋଇ ରହିବା ।

କର୍ମଚାରୀ ସହ ସୌଜନ୍ୟତା ରଖି କଥାହେବା ବେଳେବେଳେ,

ଗୁରୁ-ଗୁରୁଜନ ସଂଗେ କଥା ହେବାବେଳେ ମଥା ନଇଁଥିବ ତଳେ । 

ଗ୍ରାହକ ସହିତ ପୂର୍ବ ପରିଚିତ ପରି କଥା ହେଉଥିବା,

ରାଜନୀତି ଲୋକ ସହିତ ଭେଟିଲେ ସାବଧାନେ କଥାହେବା । 

କଥା କହୁକହୁ ନିଜେ ହସିବାନି ହସୁ ସେ ଶୁଣିବା ଲୋକ,

କଥାରେ କଥାରେ ଅକୁହା କଥାକୁ କହିଲେ ପଛରେ ଦୁଃଖ ।