କ୍ଷେତ
କ୍ଷେତ
କ୍ଷେତ,
ଚାଷୀ ଭାଇର ମିତ
ସୁନାର ଫସଲ ଫଳାଏ ଏଠି
ପାଣି କରି ତା'ର ଦେହ ରକତ l
କ୍ଷେତ,
ଚାଷୀ ଭାଇର ଆଶା
ସୁଖର ଦୁଃଖର ସାଥୀ ଅଟେ ଏଇ
ଏଇ କ୍ଷେତ ତା'ର ସାହା ଭରସା l
କ୍ଷେତ,
ଚାଷୀ ଭାଇର ସ୍ୱାଭିମାନ
ଏଇ କ୍ଷେତ ତା'ର ଗରବ ଦମ୍ଭ
ଏଇ କ୍ଷେତ ତା'ର ଆତ୍ମ ସମ୍ମାନ l
କ୍ଷେତ,
ଚାଷୀ ଭାଇର ଭାତ ହାଣ୍ଡି
ସାରା ଦୁନିଆକୁ ଯୋଗାଏ ଅନ୍ନ
ସକଳ ବାଧା ବିଘ୍ନକୁ ଖଣ୍ଡି l
କ୍ଷେତ,
ଫଳାଏ ସୁନାର ଫସଲ
ହରି ନିଏ ଏ ଜଗତର ଦୁଃଖ
ତା'ର କଳନା ନାହିଁ, ସେ ତ ଅମୂଲ ମୂଲ l
କ୍ଷେତ,
ଏକ ସମ୍ପର୍କର ସେତୁ
ଅନ୍ନରୁ ପ୍ରାଣ ପର୍ଯ୍ୟନ୍ତ, ସତ୍ତାରୁ ଅସ୍ତିତ୍ୱ ପର୍ଯ୍ୟନ୍ତ
ଅନ୍ନରୁ ଜୀବନ ଯେହେତୁ l
କ୍ଷେତ,
ଜୀବନ ବେଉଷାର ଅନ୍ନ ଦାତା
ଅନ୍ନରୁ ଜୀବନ ଅନ୍ନରୁ ଉତ୍ପନ୍ନ
ମାନବଜାତିର ପିତା ମାତା l
କ୍ଷେତ,
ଜୀବନ ଜୀବିକାର ଛୋଟ ଏକ ପୃଥିବୀ
ମେହେନତି ମଣିଷର ଆଶା ଆଉ ବିଶ୍ୱାସର
ଆତ୍ମପ୍ରତ୍ୟେୟର ଏକ ମଧୁର ପୂରବୀ l