କରୁଅଛ ଆଲୋକିତ
କରୁଅଛ ଆଲୋକିତ
1 min
224
ଅଂଶୁମାନ ତୁମେ ସକଳ ସୃଷ୍ଟିକୁ
କରୁଅଛ ଆଲୋକିତ ,
ଜୀଵଜଗତର କଲ୍ୟାଣ ସକାଶେ
ହେଉଅଛ ଆତଯାତ ।
କର୍ତ୍ତବ୍ୟରେ କେବେ ହେଳା କରୁନାହଁ
ନାହିଁ ଭେଦାଭେଦ କିଛି,
ସମସ୍ତଙ୍କୁ ବାଣ୍ଟି ଦେଉଛ ଶ୍ରଦ୍ଧାରେ
ତୁମର ଆଲୋକ ରାଶି ।
ତୁମ ଆଗମନେ ଧରଣୀବାସୀଏ
ଚଳଚଞ୍ଚଳ ଯେ ହୋଇ ,
ତାଙ୍କ କାର୍ଯ୍ୟସୂଚି ଆରମ୍ଭ କରନ୍ତି
ଆଳସ୍ୟକୁ ଦୂରେ ଥୋଇ ।
ତୁମ ଲାଗି ଏଇ ଜଗତ ସଜ୍ଜୀବ
ସୁଖ ସମୃଦ୍ଧିରେ ଭରା ,
ପ୍ରେରଣା ଯୋଗାଏ କର୍ତ୍ତବ୍ୟ ପାଳନ
କରି ଚାଲିବାକୁ ପରା ।