କର୍ତ୍ତବ୍ୟ
କର୍ତ୍ତବ୍ୟ
କର୍ତ୍ତବ୍ୟ ଏମିତି କଥା ଜୀବନରେ
ସବୁବେଳେ ରହିଥାଏ
ସେହି କର୍ତ୍ତବ୍ୟକୁ ପାଳନ ପାଇଁ କି
ଜୀବନ ତ ବିତିଥାଏ ।
କର୍ତ୍ତବ୍ୟ ଠାରୁ ଯେ ଜୀବନେ ଯେ କେବେ
ଦୁରେଇ ଯେ ଯିବ ନାହିଁ
କର୍ତ୍ତବ୍ୟ ଠିକରେ ପାଳନ କରିଲେ
ମଣିଷ ହୋଇବ ତହିଁ ।
ବାପା ମାଆ ତାଙ୍କ କର୍ତ୍ତବ୍ୟ କରିଲେ
ଦୁନିଆରେ ବଢାଇଲେ
ବୃଦ୍ଧ ସମୟରେ ତାଙ୍କ ଯତ୍ନ ନେବା
କଥା ଆମେ ଭୁଲିଗଲେ ।
ସେହି ଯେ ହେଉଛି ଆମର କର୍ତ୍ତବ୍ୟ
ଆମେ ଆଜି କରୁନାହେଁ
ଜୀବନର ଆମ ପରମ କର୍ତ୍ତବ୍ୟ
ପାଳନ ତ କରୁନାହେଁ ।
ଛୋଟ ବୟସରେ ପାଠ ପଢା ଆମ
କର୍ତ୍ତବ୍ୟ ଯେ ହେବା କଥା
ପାଠ ପଢା କିନ୍ତୁ ଆମ ପାଇଁ ଆଜି
ହେଉଅଛି ବଡ଼ ବ୍ୟଥା ।
ଯୁବ ବୟସରେ ପରିବାର ପ୍ରତି
କର୍ତ୍ତବ୍ୟ ଯେ ବଢ଼ିଥାଏ
ନୂଆ ନୂଆ ରୂପେ ନାନା ଦାଇତ୍ୱ ଯେ
ଉପରକୁ ଆସିଥାଏ ।
ଭଉଣୀ ବିବାହ ଭାଇଙ୍କ ଦାଇତ୍ୱ
ସବୁ କର୍ତ୍ତବ୍ୟ ଯେ ଆସେ
ଆସ୍ତେ ଆସ୍ତେ କରି କର୍ତ୍ତବ୍ୟ ନଦୀରେ
ଜୀବନ ଆମର ଭାସେ ।
ଜୀବନ ସହିତ କର୍ତ୍ତବ୍ୟ ଆମର
ଯୋଡି ହୋଇ ରହିଅଛି
ଆସ୍ତେ ଆସ୍ତେ କରି ଜୀବନ ସହିତ
କର୍ତ୍ତବ୍ୟ ଯେ ବଢ଼ୁଅଛି ।
ସବୁ କର୍ତ୍ତବ୍ୟ ଯେ ଠିକରେ କରିଲେ
ଅସୁବିଧା ହୁଏ ନାହିଁ
ଯିଏ ଜୀବନକୁ ଚଳାଇ ପାରେନି
ଦୁଃଖରେ ରହେ ସେ ତହିଁ ।
ବାପା ମାଆଙ୍କୁ ଯେ ସେବା ଦେଉଥିବା
ସେଇ ତ କର୍ତ୍ତବ୍ୟ ଆମ
ତାଙ୍କ ସେବା ନୀତି କରୁଥିଲେ ଆମ
ହୋଇବ ଜୀବନ ଆମ ।
ସବୁ କର୍ତ୍ତବ୍ୟକୁ ସୁଚାରୁ ରୂପରେ
ଜୀବନରେ କରୁଥିବ
ସେ ମଣିଷ ଯେ ଖୁସିରେ ରହିବ
ଅସୁବିଧା ନ ହୋଇବ ।