ଚାଲୁଛି ମୁଁ ଅବିରତେ
ଚାଲୁଛି ମୁଁ ଅବିରତେ
ଚାଲୁଛି ମୁଁ ଅବିରତେ
ସେଇ ନିସ୍ତବ୍ଧ ପଥେ
ନେଇ କିଛି ସ୍ୱପ୍ନ ଅନିଶ୍ଚିତେ ।
ଧୋଇହୋଇ ନାହିଁ
ଅସୁମାରି ଆଶା
ନିରୀହ ଆଖି ଲୋତକେ ।
ଦଗ୍ଧ ହୋଇଛି ଏଇ ହୃଦୟ
ମରି ନାହିଁ ତାର ଆଶା
ସମୟର ପ୍ରତିଘାତେ ।
ବଚନ ନା ସ୍ଫୁରେ
ନିଶବ୍ଦ ଓଠେ
ମୂକ ସାଜିଛି କି ବା ସମୟ ନିର୍ଘାତେ ।
ପ୍ରତିଘାତେ ପଡି
ଯାତନାରେ ଜଳି
ଉଙ୍କି ମାରୁଥାଏ ଆଶା କେତେ କେତେ ।
ସନ୍ଦିଗ୍ଧ ପଥେ
ଅସରନ୍ତି ଦୁଃଖେ
ବାହେ ନୌକା ଧୈର୍ଯ୍ୟ ଚିତ୍ତେ ।
ଜ୍ୱଳନ୍ତ ଅଙ୍ଗାରେ
ଦଗ୍ଧ ଚରଣ
ଭସ୍ମ ହୋଇନାହିଁ ବିଶ୍ୱାସ ପରତେ ।
ଯାତ୍ରା ଦୁର୍ଗମ
ନାହିଁ ପଥ ଶ୍ରମ
ଅଟକି ଯାଇନି ମାର୍ଗ କଣ୍ଟକିତେ।
ଚାଲୁଛି ମୁଁ ଅବିରତେ
ସେଇ ନିସ୍ତବ୍ଧ ପଥେ
ନେଇ କିଛି ସ୍ୱପ୍ନ ଅନିଶ୍ଚିତେ ନେଇ କିଛି ସ୍ୱପ୍ନ ଅନିଶ୍ଚିତେ ।