କରୋନାର ପ୍ରଭାବ
କରୋନାର ପ୍ରଭାବ
ପ୍ରୟୋଜନ ବିନା ଅନ୍ୟାନ୍ୟ ଦପ୍ତର
ଯେବେ ହୋଇ ଗଲା ବନ୍ଦ
କିପରି ଚଳିବ ଦେଶ କାମ କାର୍ଯ୍ୟ
ମନରେ ଚାଲିଲା ଦ୍ଵନ୍ଦ୍ୱ ।
ବଶଟା ବାଜିଲେ ଦପ୍ତର ଯିବାର
ମୋହ ପୋଛି ଯାଏ ଧୀରେ
ଲାପଟପ୍ ସାଜିଲା ଜୀବନର ସାଥୀ
କର୍ତ୍ତବ୍ୟରତ ଯେ ଘରେ ।
ସକାଳୁ ସକାଳୁ ଅଫିସ୍ ପାଇଁ କି
ଲାଗି ଥାଏ ଯେତେ ଭିଡ଼
ଗୃହିଣୀ ଅଳପ ଆଶ୍ଵସ୍ତି ଲଭିଲେ
ସମୟ ବଦଳେ ମୋଡ଼ ।
ଶୟନ କକ୍ଷ ଯେ ସ୍ଵାମୀଙ୍କ ଅଫିସ୍
ପିଲା ଅନଲାଇନ୍ ପଢା
ରନ୍ଧନଶାଳରେ ଘରଣୀ ଥକିଲେ
ଅଗଣାରେ ହୁଏ ଛିଡ଼ା ।
ପତି ଦେବ ମୁଖ ଲାଗୁ ଥିଲା ସୁଖ
ସଂଧ୍ୟାରେ ଫେରିଲା ପରେ
ଏବେ ସେ ବଦନେ କ୍ଲାନ୍ତି ପରିପୂର୍ଣ୍ଣ
ଦେଖି ପ୍ରାଣ ଝୁରି ମରେ ।
କେବେ ସେ କରୋନା ନିର୍ମୂଳ ହୋଇବ
ମୁହଁରେ ଫୁଟିବ ହସ
ନଚେତ୍ ଜୀବନ ନିଭୃତ କୋଣରେ
ଜଳି ଜଳି ହେବ ଶେଷ ।