ଲାଇବ୍ରେରୀ
ପ୍ରୋଫାଇଲ୍
କରୋନା ଭୂତାଣୁ
କରୋନା ଭୂତାଣୁ
ଜଳ ପ୍ରଦୂଷିତ ସ୍ଥଳ ପ୍ରଦୂଷିତ
ପ୍ରଦୂଷିତ ବାୟୁ ମଣ୍ଡଳ
ବାୟୁ ଯାନ ଚଢି ଆସୁଛି କରୋନା
ନାଶିବ ମାନବ କୁଳ
ଘାତକ ସାଜିଛି କରୋନା ଭୂତାଣୁ
ଚୀନ ତା ଉତ୍ପତ୍ତି ସ୍ଥଳ
ଅଖାଦ୍ୟ ପ୍ରାଣୀଙ୍କୁ ଖାଇ ଲୋକ ସେଠି
ମରିଲେଣି ମାଳ ମାଳ
ମୃତ୍ୟୁ ସଂଖ୍ୟା ଏବେ ଟପିଲା ସେ ଦେଶେ
ଦେଢ଼ ହଜାରରୁ ଅଧିକ
ଲକ୍ଷାଧିକ ଲୋକ ହେଲେଣି ଆକ୍ରାନ୍ତ
ସାରା ବିଶ୍ୱେ ଖେଳେ ଆତଙ୍କ
ବିଶ୍ୱ ସ୍ୱାସ୍ଥ୍ୟ ସଂସ୍ଥା କଲାଣି ଘୋଷଣା
କରୋନା କୁ ବିଶ୍ୱ ସଙ୍କଟ
ସବୁ ଦେଶ ବାସୀ ରହିବା ସଜାଗ
ନାହିଁ ଆଉ ଅନ୍ୟ ବାଟ
ପ୍ରକୃତି ରଖିଛି ଆମପାଇଁ ଖାଦ୍ୟ
ଉଦ୍ଭିଦ ଜଗତେ ଭରି
ନହୋଇ ମାଂସାସୀ ଖାଇବାକୁ ଖାଦ୍ୟ
ସର୍ବେହୋଇ ଶାକାହାରୀ
ମାନବ ତ ନୁହେଁ କେବେ ମାଂସାହାରୀ
ନାହିଁ ତା ମୁନିଆଁ ଦାନ୍ତ
ଜିହ୍ୱା ଲାଳସାର ହୋଇ ବଶବର୍ତ୍ତୀ
ଖାଏ ପ୍ରାଣୀ ମାଂସ ରକ୍ତ
ରସାୟନ ସାର କୀଟ ନାଶକାରୀ
ଫର୍ମାଲିନ ବ୍ୟବହାର
ରଂଗମିଶା ଖାଦ୍ୟ ପାନିପରିବାରେ
ଖାଉଛେ ଆମେ ଜହର
ବିଶ୍ୱ ସ୍ୱାସ୍ଥ୍ୟ ସଂସ୍ଥା କଲାଣି ସତର୍କ
ଅଖାଦ୍ୟ କର ବର୍ଜନ
ଜୈବିକ ପଦ୍ଧତି ପ୍ରୟୋଗରେ କର
ଖାଦ୍ୟ ଶସ୍ୟ ଉତ୍ପାଦନ
ଦୀର୍ଘ ଜୀବନ ହିଁ ଲଭେ ଶାକାହାରୀ
ମାଂସାହାରୀ ଆୟୁ କ୍ଷୀଣ
ଶାକାହାରୀ ବହେ ହୃଦେ ଦୟାଭାବ
ଶାନ୍ତି ପ୍ରୀତି ମୈତ୍ରୀ ଗୁଣ
ହିନ୍ଦୁ ଧର୍ମେ ବେଦ ଦିଏ ଉପଦେଶ
କର ଯୋଗ ଜପ ଧ୍ୟାନ
ହୋଇ ଶାକାହାରୀ ନଭକ୍ଷ ଆମିଷ
ବଞ୍ଚିବାକୁ ବେଶୀ ଦିନ
ପ୍ରକୃତି କୋଳରେ ମିଳେ ଚିର ଶାନ୍ତି
ତାଲାଗି ବଞ୍ଚେ ମଣିଷ
ନମାନି ଖେଳିଲେ ପ୍ରକୃତି ସାଥୀରେ
ନିଜେ ହୋଇଯିବ ଶେଷ
