କରୋନା ଭାଗ-୮
କରୋନା ଭାଗ-୮
ଶୁଣ ଭାଇ ଶୁଣ ଟିକେ
ଅମାନିଆଙ୍କର ଗୁଣ,
କାମ ଧନ୍ଦା ନାହିଁ କିଛି
ବଜାରେ କରନ୍ତି ରଣ ।
ମାସ୍କ ଜମା ପିନ୍ଧେ ନାହିଁ
ପକଟେ ରଖିଛି ଭରି,
ପଚାରିଲେ କହୁଛି ସେ
ଶ୍ୱାସରୁଧେ ଯାଏ ମରି ।
ମାସ୍କ ପିନ୍ଧି ହେବ କଣ
ଖାଇନୁ କାହାର ଋଣ, ।
ମାଛି ପରି ଉଡ଼ି ବୁଲେ
ମାନେନି ସହର ବଣ,
ଯୋଡି ହୋଇ ଚାଲିବାକୁ
ଯେମିତି କରିଛି ପଣ ।
ପଚାରିଲେ ଛାଡି ଦେବେ
ନାହିଁ ନଥିବାର ବାଣ ।
ଚାରି ଆଡ଼େ ତାଲାବନ୍ଦୀ
ସରେନାହିଁ ବୁଲା ତାର,
ମେଳି ହୋଇ ତାଶ ଖେଳେ
ମଦ ପାଇଁ ବାର ଘର ।
ଘର ପଛେ ଭାସି ଯାଉ
ମୁଁହ ଖଣ୍ଡେ ବହୁ ଟାଣ ।
କରୋନାର ଦ୍ୱାହି ଦେଇ
କରେ କୁମ୍ଭୀର ରୋଦନ,
କଟକଣା ମାନନ୍ତିନି
ବସନ୍ତି ଖୋଲି ଦୋକାନ ।
ଅଭାବର ଗାଏ ଗୀତ
କୁହେ ନାହିଁ ଶାଗ ଲୁଣ ।