କର୍ମଭୂମି

ଜନନୀ ଜନମ ଭୂଇଁ

ଭାରତ ଯେ ମୋର

ତା ଲାଗି ସମର୍ପି ଦେବି

ଜୀବନ ମୋହର

ମୋ ଦେଶେ ଅଛନ୍ତି ଯେତେ

ଭୋକିଲା ମଣିଷ

ଖାଇବାକୁ ଦେବି ଭାତ

ଥିବାଯାଏ ମୋ ଆୟୁଷ

ଦେଶ ହିତ ଲାଗି

ସେବା ତାହାରି କରିବି

ଦୀନହୀନ ଦୁଃଖୀଙ୍କର

ସଖା ହୋଇଥିବି

ଅସହାୟ ହୋଇ ଯେବେ

ହୋଇବେ ନିରାଶ

ନୂଆ ଆଶା ସପନ ଦେଖାଇ

ଦେବି ମୁଁ ସାହସ

ସଭିଏଁ ସମାନ ବୋଲି

ବାର୍ତ୍ତା ମୁଁ ବାଣ୍ଟିବି

ସବୁ ଜାତି ସବୁ ଧର୍ମ

ଏକା ଯେ କହିବି

ଶାନ୍ତି, ମୈତ୍ରୀ, ଭାତୃଭାଵ

ଜୀବନେ ଆସିବ

ସୁଖରେ ରହି ସମସ୍ତେ

ତାଙ୍କ ମୁହେଁ ହସ ଥିବ