କଳାବାମନକୁ ଲୋ ଚାହିଁକି

ଏମିତି ଠାକୁର ରସିକ ନାଗର 

 କେଉଁଠାରେ କେହି ଦେଖିଛକି 

ଟାହିଆ ହଲାଇ ଶ୍ରୀଅଙ୍ଗ ଝୁଲାଇ

  ବିଜେ କରୁଛି ଦେଖ ଠାଣିକି

ଭିଡା ଘୋଷରାରେ ଭକତ ଟଣାରେ

  ଯାଏ ନାହିଁ ଜଗା ଜମା ଥକି

ଆସୁ ଆସୁ ଦଣ୍ତେ ରହି ଯାଏ ଦାଣ୍ତେ

   ହସୁଥାଏ ମୁରୁକି ମୁରୁକି

 ବାଙ୍କ ଚାହାଣିରେ ଛଳିଆ ଠାଣିରେ

  ନିଏ ସେହି ଜଗତ ମୋହିକି॥୧॥

ତୁଳସୀ ଦୟଣା କର୍ପୁର ଚନ୍ଦନେ 

 ବଡଦାଣ୍ତ ଯାଏ ଲୋ ମହକି

ପଡୁଛି ଉଛୁଳି ଘଣ୍ଟ ହୁଳହୁଳି

 ଶ୍ରୀକ୍ଷେତ୍ର ଗୋପଦାଣ୍ତ ତା ପାଇଁକି

ମୁକ୍ତିଚାହଁ ଯେବେ ରଥେଦେଖ ତେବେ

  କଳାବାମନକୁ ଲୋ ଚାହିଁକି ॥୨॥