ଅକ୍ଷି ତୃତୀୟା
ଅକ୍ଷି ତୃତୀୟା
କାଳବଇଶାଖି ବରଷା ନିଇତି
ଅଦିନେ ବେଙ୍ଗୁଲୀ ରଡି
ଅକ୍ଷିତୃତୀୟାରେ ଚାଷ ଅନୁକୂଳ
ଚଷା ଯାଏ ପାଗ ଭିଡି ।
ନୂଆ ଟୋକେଇକୁ ନୂଆ ଗଉଣୀରେ
ଅଙ୍କା ହୋଇଅଛି ଝୋଟି
ନୂଆଲୁଗା ପିନ୍ଧି ଚଷାପୁଅ ଯାଏ
ପୂଜିବାକୁ ମାଆ ମାଟି
କଢାଣ ଦୋହର ସରିଛି ଏସନ
ଖତ ଦେଇ ଗାଡି ଗାଡି
ଚଷା ଯାଏ ପାଗ ଭିଡି।
ପ୍ରଭୁ କଲେ ଦୟା ପାଗ ହେବ ଭଲ
ଭଲ ହେବ ଚାଷବାସ
ଚାଷ ଭଲ ହେଲେ ଚାଷୀ ର ଓଠରେ
ଉକୁଟି ଉଠିବ ହସ
ଚାଷୀତ ହସିଲେ ହସିବ ରାଇଜ
ଉଆଁସ ଯିବରେ ଛାଡି
ଚଷା ଯାଏ ପାଗ ଭିଡି।
ଅକ୍ଷି ତୃତୀୟାରେ ରଥ ଅନୁକୂଳ
ଆରମ୍ଭ ଚନ୍ଦନ ଯାତ
କରୋନା ଡରରେ ଏସନ ନରେନ୍ଦ୍ରେ
ମେଳି ହେବେନାହିଁ ଭକ୍ତ
କୁହ ମହାବାହୁ କେତେଦିନ ଆଉ
ରହିବ ଭକ୍ତ ଙ୍କୁ ଛାଡି
ଘଡଘଡି କରେ ରଡି ।