Library
Profile
କଳା ତୁଳସୀ
କଳା ତୁଳସୀ
1 min
927
କାଳିଆ ମଥାରେ ଦେଉଛି ହସି
ଦୟଣା ସେବତୀ ସାଥୀରେ ମିଶି
ମହକ ଭରଇ ଦିବସ ନିଶି ।
ଅରୁଣ ସ୍ତମ୍ଭକୁ ଦେଲି ଆଉଁସି
ଭାବକୁ ନିକଟ ଅଭାବ ବେଶି
କଳା ତୁଳସୀ ।
ବାଇଶି ପାହାଚେ ବସିଲି ଆସି
କାଳିଆ ଉପରେ ଗଲି ମୁଁ ରୁଷି
କଳା ତୁଳସୀ ।
କଳ୍ପବଟ ମୂଳେ ବସିଲି ଆସି
ବ୍ରତ ବାନ୍ଧି ଦେଲି ଶୁଭ ମନାସି
କଳା ତୁଳସୀ ।
ଆନନ୍ଦ ବଜାରେ ବସିଲି ଆସି
ଅଭଡ଼ା ପାଇଲି ମନକୁ ତୋଷି
କଳା ତୁଳସୀ ।
ସମୁଦ୍ର କୂଳ ରେ ବସିଲି ଆସି
ଜଳ ରେ ଖେଳୁଛି ସରଗ ଶଶୀ
କଳା ତୁଳସୀ ।
ସ୍ୱର୍ଗ ଦ୍ୱାର ପାଖେ ବସିଲି ଆସି
ଆଜିର ସକାଳ କାଲିକୁ ବାସି
କଳା ତୁଳସୀ ।
