ଲାଇବ୍ରେରୀ
ପ୍ରୋଫାଇଲ୍
କଳା ସାଆନ୍ତ
କଳା ସାଆନ୍ତ
1 min
48
କହରେ କାଳିଆ ତୁଳସୀ ମାଳିଆ
ଏଇ ତୋହର କି ନାଟ
ଘରେ ତାଲାବଦ୍ଧ ପୁଣି ସଂଙ୍ଗରୋଧ
ମନ ଭରି ଛଟପଟ॥
ସ୍ନାହାନ ପୁନେଇଁ ଯାଇ ପାରି ନାହିଁ
ଶୁନଶାନ୍ ରାସ୍ତାଘାଟ
ଇଛା ରଖି ମଧ୍ୟ ହୋଇଛି ଆବଦ୍ଧ
ବାଜିଛି ବିଧାତା ଛାଟ ॥
ଦୂରୁ ରହି ମୁହିଁ ଦୁର ଦରଶନେ
ଦେଖିଲି ତୋହରି ଯାତ
ଭକତର ବିନା ଉଡୁଥିଲା ବାନା
ଘୁଁ ଘୁଁ ଗଡୁଥିଲା ରଥ ॥
ଅପରାଧ ଯଦି କରିଥିଲି ମୁହିଁ
ଜୋଡି ବେତେ ମାରିଥାନ୍ତ
ବଡ଼ଦାଣ୍ଡ ମନା କରିଲ କାହିଁକି
ମୋପାଇଁ କଳା ସାଆନ୍ତ ॥
