Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

RAKHAL CHANDRA SWAIN

Inspirational

4  

RAKHAL CHANDRA SWAIN

Inspirational

କଲେ ଦୋଷ,ନ କଲେ ଦୋଷ

କଲେ ଦୋଷ,ନ କଲେ ଦୋଷ

1 min
286


ମୁଣ୍ଡ ଟେକି ବାଟ ଚାଲିଲେ,

 କହୁଛ,ଗର୍ବିଟା।


ମୁଣ୍ଡ ତଳକୁ କରି ଚାଲିଲେ,

କହୁଛ,ପୋତା ମୁହାଁ,

ଭାରି ବଦ୍ ମାସ୍।


କେଉଁଟା କରିବି ?


ମଧୁର ସ୍ବରରେ କଥା ହେଲେ,

କହୁଛ,ୟାର କିଛି ସ୍ବାର୍ଥ ଅଛି।

ନହେଲେ,ତେଲ ମରା କଥା,

କାହିଁକି କୁହନ୍ତା।


କର୍କଶ ସ୍ବରରେ କହିଲେ,

କହୁଛ,ହେଃ-କଳିହୁଡାଟା।

ତୋ ଭଳି ବାଜ୍ୟେ ଲୋକ ଦୁନିଆରେ ନ ଥିବେ।


କେଉଁଟା କରିବି ?


ଚିନି ଭଳି ହେଲେ,

ମୋତେ ଚାଟିକି ସଫା କରି ଦଉଛ।

ଲଙ୍କା ଭଳି ହେଲେ,ମୋ ପାଖ ମାଡୁ ନ।


କେଉଁଟା କରିବି ?


ବାପ, ଗଧ ପିଠିରେ ବସିଲେ,

କହୁଛ,ବାପ ଟା ସ୍ବାର୍ଥପର ।

ପୁଣି,

 ତୁମ କଥାକୁ ସମ୍ମାନ ଦେଇ,

ପୁଅ ଗଧ ପିଠିରେ ବସେଇଲେ,

ତମ ସ୍ବର ଟା ହଠାତ୍ ଓଲଟାଇ,

କହୁଛ,ପୁଅଟା ସ୍ବାର୍ଥପର।

 

କେଉଁଟା କରିବି।


ତମ ଅସୂୟା,ଇର୍ଷା,ପରଶ୍ରୀକାତରତା ର

ଦୋଛକି ରାସ୍ତାରେ ଗୁରୁଣ୍ଡି ଗୁରୁଣ୍ଡି,

ସାରା ଜୀବନ ଆଖିରୁ ଲୁହ ଗଡେଇବି,


ନା, 

ମୋ ବିବେକ ଅନୁମୋଦିତ,

ସ୍ବଚ୍ଛ ପବିତ୍ର,

ବିଚାର ଧାରାକୁ ସମ୍ମାନ ଦେଇ,

ମୁଣ୍ଡ ଟେକି ,

ନିଜ ରାସ୍ତା ନିଜେ ବାଛିବି।



Rate this content
Log in