କ୍ଲାନ୍ତ ପଥିକ

ତୋ ଦେହ କାନନେ ଭ୍ରମି ଭମ୍ରି ମୁହିଁ

ଖୋଜୁଅଛି ନିରନ୍ତର

କେଉଁଠି ରହିଛି ତୋ ଗୁପ୍ତ କବାଟ

ହୃଦୟ ମନ୍ଦିର ଦ୍ୱାର l

ଫେଡି ସେ ପରଦା ଭିତରେ ପଶିବି

ଫେରନ୍ତା ବାଟ ଭୁଲି

ତୋ ହୃଦ କମଳ କେଶରେ ଚୁମ୍ୱିବି

ଶାଶ୍ୱତ ରେଣୁ ବାଲି l

ଘୁରି ଘୁରି ମୁହିଁ କ୍ଲାନ୍ତ ପଥିକ

ଖୋଜୁଛି ତୋ ହୃଦ ଜାହ୍ନବୀ ଝର

ତୋ ଦେହ କାନନେ ଭ୍ରମି ଭମ୍ରି ମୁହିଁ

ଖୋଜୁଅଛି ନିରନ୍ତର l

ତୋ ଦେହ ଉପବନେ ଫୁଲର ଉତ୍ସବ

କୋଇଲି ଗାଉଛି ଗୀତ

କହିକି ପାରୁବୁ କାହିଁକି ମୂର୍ଚ୍ଛି ଏ ବିଭବ

ମୂର୍ଚ୍ଛି ତନୁ ପାରିଜାତ l

ଘୂରି ଘୂରି ମୁହିଁ ନିରତେ ଖୋଜୁଛି

ତୋର ଅନ୍ତର ତଳର ସ୍ୱର 

ତୋ ଦେହ କାନନେ ଭ୍ରମି ଭମ୍ରି ମୁହିଁ

ଖୋଜୁଅଛି ନିରନ୍ତର l

******