କଜଳପାତିଆ
କଜଳପାତିଆ
ଶକୁନି ମାମୁଁର ପଶା ଖେଳେ ହେବ
କୁରୁ ପାଣ୍ଡଵଙ୍କ କଳି
କୁରୁସଭା ମଧ୍ୟେ ଅତି ଆରତରେ
ଡାକିବେ ନିଶ୍ଚେ ପାଞ୍ଚାଳୀ l
ଭାରତ ଯୁଦ୍ଧରେ ଭରତିଆ ପକ୍ଷୀ
ଘଣ୍ଟ ଘୋଡ଼ାଇ ରଖିବ
ନନ୍ଦିଘୋଷ ରଥେ ହେ ପାର୍ଥ ସାରଥୀ
ପାର୍ଥେ ଗୀତା ଶୁଣାଇବ l
ଅନ୍ଧର ନନ୍ଦନ ଛନ୍ଦ ଆଚରିବ
ପାଣ୍ଡଵଙ୍କୁ ବନବାସ
ସଇରିନ୍ଦ୍ରୀ ହୋଇ ଦ୍ରୁପଦ ନନ୍ଦିନୀ
ସାଜିବେ ସୁଦେଷ୍ନା କେଶ l
ମହାବଳି ଭୀମ ସୂପକାର ହେବେ
ଧର୍ମରାଜ କଙ୍କ ପଣ୍ଡା
କୀଚକ ମରିବ ଭୀମ ମୁଷ୍ଟି ଘାତେ
ଜୟଦ୍ରଥ ହେବ ଲଣ୍ଡା l
ଅରଜୁନ ପୁଣି ଵୃହନ୍ନଳା ହେବେ
କିନ୍ନର ରାଜ ନର୍ତ୍ତକୀ
ନୃତ୍ୟ ଶିଖାଇବେ ଉତ୍ତରା କୁମାରୀ
ତାକ ଥେଇ ତାକ ଥିକି l
ଅଠର ଦିନର ମହାଭାରତରେ ପାପୀ
ସର୍ବେ ଯିବେ ନାଶ
ଏହା ପରା ଚକ୍ରୀ ତୁମ୍ଭ କଳପନା
ଚକ୍ରଧର ହୃଷିକେଶ l
ପୁଣି କିଆଁ ପ୍ରଭୁ ଶାନ୍ତିବାର୍ତ୍ତା ଘେନି
ହସ୍ତୀନା ନବରେ ଗଲ
କଜଳପାତିଆ ଭଦରଲୋକିକୁ ପାଅ
କିବା ପ୍ରଭୁ ଭଲ l
କି ଯଶ ଅର୍ଜିଲ ବିଦୁର ମନ୍ଦିରେ ଶାଗ
ପଖାଳକୁ ଖାଇ
ଦୁରୁଜନ ଦୁର୍ଯ୍ୟୋଧନ ଝିଙ୍ଗାସିଲା
ଧନ୍ୟ କାଳିଆ କହ୍ନାଇ l
ଯୁଦ୍ଧୁ ଅଟେ ଶାନ୍ତି ସର୍ଵକାଳେ ଭଲ
ଦେଲଥିଲ ପ୍ରଭୁ ଶିକ୍ଷା
ଭିକ୍ଷା କରେ ପ୍ରଭୁ ତୁମ୍ଭରି କରୁଣା
ତୁମ୍ଭ ନାମ କରି ଦୀକ୍ଷା l
ଜୟ ଜଗନ୍ନାଥ ନୀଳାଚଳ ନାଥ
ହେ ନୀଳସିନ୍ଧୁ କୁଳିଆ
କଜଳପାତିଆ ତୁମ୍ଭର ରୂପଟି ଅଟେ
ତ୍ରିପଣ୍ତ କାଳିଆ l