କୀର୍ତ୍ତନ

ମୋର ମୋର ଭାବେ ସବୁ

ନାଚେ ମନ ବିଭୋର ମୟୂର,

ରଙ୍ଗ ରସ ସୁଖ ବିନ୍ଦୁ

ଝରିପଡେ ରଙ୍ଗପକ୍ଷ ତାର ।

ମାୟା ମୋହ ବଶ ଜୀବ

କାମନାର ହୁଏ ନାହିଁ ଅନ୍ତ,

ମରିଗଲେ କାହା ସାଥେ

ଯାଆନ୍ତିନି ଧନ ଦାରା ସୁତ ।

ନିର୍ବିଶେଷ ହରିନାମ

କୃଷ୍ଣ ନାମ ଭଜନ କୀର୍ତ୍ତନ,

ତାରିପାରେ ଭବସିନ୍ଧୁ

କଇବର୍ତ୍ତ ଏକା ଭଗବାନ ।

ହରିନାମ କୃଷ୍ଣ ନାମ

କଇବଲ୍ୟ ପତିତପାବନ,

ଦୟାକର ଦୀନବନ୍ଧୁ

ହରେକୃଷ୍ଣ ଜୟ ହରେରାମ ।

ଜୀବ ମୁହିଁ ଆତ୍ମାରୂପୀ

ନିରାକାର ପ୍ରଭୁ ପର°ବ୍ରହ୍ମ,

କୃପାକର ଜଗନ୍ନାଥ

ଭଜୁ ପ୍ରାଣ ଓମ୍ ଶୁଭନାମ ।