କିଏ କ'ଣ ଚାହେଁ ?

#ସିଧାକଥା - ୯୮

ପୁଅ ଚାହୁଁଥାଏ ମୋ ମାଆ ପଣତ ତଳେ ହେଇଥିବି ଠିଆ,

ଝିଅ ଚାହୁଁଥାଏ ମୋ ବାପାର ମାନ-ବଳ ବଢ଼ୁ ହେଇନୂଆ |

ମାଆ ମୋର ଚାହେଁ ସିନ୍ଦୂର ମୁଣ୍ଡରେ ପୁଅ ସୁଖ ଦେଖୁଥିବି,

ବାପା ବି ଚାହାନ୍ତି ସୁଖ ସଂସାରକୁ ଯୋଡ଼ିକରି ରଖିଥିବି |

ପୃଥିବୀ ଚାହୁଁଛି ସୂର୍ଯ୍ୟ ଚାରିପଟେ ଦିନରାତି ଘୂରୁଥିବି,

ପ୍ରକୃତି ଚାହୁଁଛି ଆଜିର ଚିଜକୁ କାଲି ବଦଳେଇ ଦେବି |

ନିଆଁ ଚାହୁଁଥାଏ ଜଳି ଜଳି ମୁହିଁ ଆକାଶକୁ ଛୁଇଁଦେବି,

ପାଣି ଚାହୁଁଥାଏ ଗଡ଼ିଗଡ଼ି ମୁହଁ ସାଗରରେ ମିଶିଯିବି |

ଆକାଶର ସୂର୍ଯ୍ୟ ଚନ୍ଦ୍ର ଗ୍ରହ ତାରା ଚାହାନ୍ତି ଆଲୋକ ଦେଵି,

ଈଶ୍ୱର ଚାହାନ୍ତି ଭକ୍ତ ହୃଦୟରେ ବନ୍ଧାହେଇ ରହିଥିବି |