Library
Profile
କିଛି କହିବ କି
କିଛି କହିବ କି
ପ୍ରେମ ପ୍ରଣୟର ଦ୍ଵନ୍ଦ୍ଵ ପାଇଁ
ତୁମେ କିଛି କହିବ କି
ମିଳନ ବିରହର ସମ୍ପର୍କରେ
ତୁମେ କିଛି କହିବକି ।
କିଏ ଠିକ୍ କିଏ ଭୁଲ୍
ସେ ବିଷୟରେ କିଛି କହିବ କି
ଭଲ ମନ୍ଦର ବିଚାର ଭିତରେ
ମୁଁ ଠିକ୍ ନା ତୁମେ ଠିକ୍
ସେ ବାବଦେ କିଛି କହିବକି ।
ପ୍ରେମିକା ଠିକ୍ ନା ପ୍ରେମିକ ଠିକ୍
ପ୍ରେମ ସମ୍ବନ୍ଧରେ
ତୁମେ କିଛି କହିବକି ।
ସଂସାର ଭିତରେ ଘର କରିଥିଲେ
ସମାଜ ଠିକ୍ ନା ପରିବାର ଠିକ୍
ସେ ଭୁଲ୍ ଠିକ୍ ର ହିସାବଟା
ଟିକେ କହିବକି ।
ମାଟି ମା'ର ଆଖିର ଲୁହ
ସ୍ନେହ ମମତା ଓ ଶ୍ରଦ୍ଧାର କୋହ
ଏ ସ୍ଵାର୍ଥୀ ମଣିଷଙ୍କ ପାଇଁ
କେଉଁ ଟା ଠିକ୍ କହିବକି
ତୁମେ କହିବ କି ତୁମେ କହିବକି ।
ଶାନ୍ତି ମୈତ୍ରୀ ଏକତା ଠିକ୍
ନା ଯୁଦ୍ଧ ହିଂସା ବିଛିନ୍ନତା ଠିକ୍
କହିବ କି ତୁମେ କହିବକି ।
ଭାରତ ମାତା ର ସନ୍ତାନ ହୋଇ
ପାଶ୍ଚାତ୍ୟ ସଭ୍ୟତା ଠିକ୍ ନା
ପ୍ରାଚ୍ୟ ସଭ୍ୟତା ସଂସ୍କୃତି ଠିକ୍
କେଉଁଟା ଠିକ୍ କହିବକି
ତୁମେ କହିବ କି ।
ଜାତି ଧର୍ମକୁ ଭୁଲି
ମଣିଷ ପରି ମଣିଷ ହୋଇ
ବଞ୍ଚିବାକୁ ଠିକ୍ ବୋଲି
ଭାବୁଛ କି ତୁମେ
କହିବ କି ତୁମେ କହିବକି ।
