ଲାଇବ୍ରେରୀ
ପ୍ରୋଫାଇଲ୍
କି ଲାଭ ପାରିବି ପାଇ
କି ଲାଭ ପାରିବି ପାଇ
1 min
286
ହେ କଳାବଦନ ତୁମ୍ଭର ସଦନ
ଦେଖିଲି ଶ୍ରୀକ୍ଷେତ୍ରେ ଯାଇ
ଜାଣି ଏତେ ଛଳ ତୁମ୍ଭଠୁ ସ୍ବଚ୍ଛଳ
ନିଜକୁ ମଣେ ହେ ସାଇଁ
କେଡ଼େ ଅଲାଜୁକ ହେଲ କଳାମୁଖ
ଶ୍ରୀମତୀ-ମନ୍ଦିରେ ଥାଇ
ତାଙ୍କୁ ରଖି ଦୂରେ ସଙ୍ଗତେ ସେ' ପୁରେ
ରଖିଛ ଭଉଣୀ ଭାଇ
କରିଛ ପାଚେରୀ ମେଘନାଦ ଘେରି
ସମ୍ବନ୍ଧେ ପକାଇ ଘାଇ
କଲ କି ବର୍ଜନ ଶ୍ବଶୁର ଗର୍ଜନ
ନପଡେ ଦେଉଳ ଛାଇ
ବିନା ଶ୍ରମେ ଏତେ ଖାଇ
ହସୁଅଛ ହେଳେ ମାଗିଲେ ଏ ବେଳେ
କି ଲାଭ ପାରିବି ପାଇ ?
