କି କରିବି ବତାଅ ବାଟ
କି କରିବି ବତାଅ ବାଟ
କି ଲାଗି ହେ ମୋହନ ,
ଅଟକାଇ ଏ ସ୍ଥାନ
ପଚାରୁଛ ଗହନ-
ବିଷୟ କଥାମାନ ।
ଉତ୍ତର ମୁଁ କି ଦେବି କୁହ ;
ବେନିଙ୍କୁ ସମଦଶା ,
ପଡ଼ିଅଛି ସହସା ...
ମନା-ମାନି ଦୂରେଇ ରୁହ ।
କହୁଛ ପ୍ରାଣ ସଖୀ ,
କେବଳ ମନ ରଖି
ରଖିଛ କିବା ବାକି-
କଳଙ୍କ ଅଛ ମାଖି ।
ବଂଶୀ ସୁରେ ବାଇ ମୋ ନାଆଁ ;
କାହିଁକି ହେ ନାଗର ,
ହଟହଟା ଯେ କର ...
ଅପବାଦେ ଉଠୁଛି ଗାଆଁ ।
ତୁମ ବିଚ୍ଛେଦ ସହି ,
ପାରୁନି ଜମା ରହି
ନ ପାରେ କା'ରେ କହି-
ମରମ ହୁଏ ଦହି ।
କି କରିବି ବତାଅ ବାଟ ;
କହିଛ ଆଗୁଁ ଖୋଲି ,
ଭୋଗ-ଏ ଦଶା ବୋଲି ...
ମନା ଏବେ ଯମୁନା ତଟ ।