ଖୁସୀ ଅାମ ହସ ଫୁଲ
ଖୁସୀ ଅାମ ହସ ଫୁଲ
ଅାମ ଖୁସୀ ସୁନା କାହିଁ ଆନ ମନା
ବୁଝିମୁଁ ପାରୁନି ଜମା ,
ସରଗର ପରୀ ଅନନ୍ୟା ସୁନ୍ଦରୀ
କଳିଯୁଗ ସତ୍ୟଭାମା
ରୂପରେ ଗୁଣରେ ସରି ହବ କିଏ
ଆହାକି ତା' ରୂପକାନ୍ତି ,
ବର୍ଣ୍ଣନା ସାପେକ୍ଷ କବି ମଧ୍ୟ ସ୍ତବ୍ଧ
ଅଧୁରା ରହେ ତା' ପଂକ୍ତି
ଫୁଲଠୁ କୋମଳ ଜହ୍ନଠୁ ଶୀତଳ
ଆହାକି ହୃଦୟ ତାର ,
ସ୍ନେହଁ ଶ୍ରଦ୍ଧା ପ୍ରୀତି ଅଜାଡେ଼ ସବୁଠି
ପର ହୁଏ ଆପଣାର
ଭାରି ଚୁଲୁବୁଲି କଥାରେ ଚାତୁରୀ
ମିଠା ଲାଗେ କଣ୍ଠସ୍ଵର ,
ତା'ଭାଷା ମାଧୁର୍ଯ୍ୟ କରେ ବିମୋହିତ
ସତେକି ଅମୃତ ନୀର
ଭାରି ଅଭିମାନୀ ଭାରି ସ୍ବାଭିମାନୀ
ସହେନାହିଁ କଟୁକଥା ,
ଭୀଷଣ ଆଘାତେ ଜର୍ଜରିତ ହୁଏ
ବଖାଣେନି ଜମା ବ୍ୟଥା
ପ୍ରେମ ମନ୍ଦାକିନୀ ସ୍ନେହଁ ସରାଗିନି
ପ୍ରେମର ଜ୍ୱଳନ୍ତ ଛବି ,
ପ୍ରେମ ପରିଭାଷା ସମ୍ପୁର୍ଣ୍ଣ ନିଆରା
ହସେ ଅଂଶୁମାନ ରଵି
ଆଜିଯାଏ ବୋଧେ ପ୍ରେମ ପ୍ରତୀକ୍ଷା ରେ
ଖୁସୀରାଣୀ ଅଛି ଅାମ ,
ଖୁସୀ ଯେ ହସିବ ପ୍ରେମରେ ମଜ୍ଜିବ
ଦୂରହେଵ ସବୁ ଭ୍ରମ