ଖୁସି

 ଶୁଭ ଯିବ ଆଜି ସ୍କୁଲ୍

ମାମା ପାଖେ କରେ ଅଳି

ଯିବିନି ମାମା ସ୍କୁଲ୍ ଆଜି

ଗୁରୁଜୀ ଦେବେ ଗାଳି।।

କାରଣ କହିଲା ଶୁଭ

ହୋମ୍ ୱାର୍କ ସରିନାହିଁ

ସମୟ ନୋହିଲା ମତେ

ସକାଳୁ ନ ଉଠାଉ ତୁହି।

ମମତାରେ ମଥା ଆଉଁସି

ମାମା କହିଲେ ପାଖେ ବସି

ପାଠ ଅର୍ଜିବା ପାଇଁ

ଆଳସ୍ୟ ତ୍ୟାଗ କାହାକୁ ନ କରି ଦୋଷୀ।।

ମିଛ କଥା କହି ବାହାନା

ସ୍କୁଲ୍ ଯାଆ ଘରେ ନ ରୁହ

ବିପଦ ପତିଲେ ସତେ

ତତେ ବିଶ୍ୱାସ କିଏ ନ କରିବ ।।

ଜ୍ଞାନ ଆରଜିଲେ ଦିନେ

ଜଗତକୁ ଜିଣି ଯିବା

ବିଦ୍ୟାଳୟ ମିଛେ ନ ଗଲେ

ପାଠରେ ପଛୁଆ ହେବା।।

ସାଥି ସାଙ୍ଗ ହେବେ ଆଗୁଆ

ତୁ ରହିବୁ ତଳେ

ସତ କହି ଦେଲେ ନ ଠକି ଜଗନ୍ନାଥ ସାଥେ

 ରହିବେ ବଳେ।।

ବଳବାନ୍ କେତେ ସମୟ

ଶୁଭ ଭାବୁଛି ବସି

ମାମାଙ୍କୁ କହୁଛି ଗେହ୍ଲାରେ

ସ୍କୁଲ୍ ଯିବା ମୋ ଖୁସି ।

ହେଳା କରିବିନି ଆଉ

ଗୁରୁଜୀ କାମ ଯାହା ଦେବେ

ନିଇତି ଆଲାରାମ୍ ଦେଇ

ପ୍ରାତଃ ଉଠି କାମ ସବୁ ସାରିବି ସରାଗେ।।

ଆଶିଷ ଢାଳି ଦେଲେ

ହରଷ ହୋଇଲେ ମାମା

ଶୁଭ ଖୁସିରେ ସ୍କୁଲ୍ ଗଲା

ଜୀବନେ କେବେ ହାରିନି ଜମା।।