ଖୁଆଇବି ଆଣି ଘାସ

କୁନି ବାଛୁରୀ ମୋ ବଂଶୀ ନେଇଯିବ

ମାଆ ଲୋ ଆ' ଯିବା ଚାଲି ,

ମନେ ପଡ଼ୁଅଛି ପୁଚ୍ଛ ଟାଣି ତା'ର

ଖେଳୁଥିଲି ମୁହିଁ କାଲି ।

ମାଆ ଠାରୁ ଇଏ ଦୁଧ ପିଇ ସାରି

ଡିଆଁ ମାରୁଥିଲା ଦାଣ୍ଡେ ,

ଆ' ଆ' ଡାକି ଆଉଁଶି ଦେଲି ଯେ 

ଚାଟି ଦେଲା ମୋତେ ତୁଣ୍ଡେ ।

ଭାରି କୌତୁକିଆ ଲାଗିଲା ବୋଲି ତା'

ଲାଞ୍ଜଟାକୁ ଦେଲି ଟାଣି ,

ମାଆ ତା'ର ଦେଖି ହମା ହମା କଲା

ଡିଆଁ ମାରିଲା ଏ ଶୁଣି ।

କଚାଡ଼ି ହୋଇକି ତଳେ ପଡ଼ିଗଲି

ଆଣ୍ଠୁ ମୋର ଗଲା ଛିଡ଼ି ,

ଏଇନେ ଦେଖୁନୁ ଚାହୁଁଛି କେମିତି

ବଇଁଶୀକୁ ମୁହଁ କାଢ଼ି ।

ନେଇଯିବ ଯଦି ଇଏ ମୋ ବଇଁଶୀ

ବଜାଇବି ଆଉ କିସ ,

ମନକୁ ତାହାର ମନାଇବା ଲାଗି

ଖୁଆଇବି ଆଣି ଘାସ ।