ଖୋଲାମଞ୍ଚ

ଆକାଶ ଜଳୁଛି ଆଜି

କାଲି କା'ର ଜଳୁଥିଲା ଦେହ

ହସୁଛି କେ ଆଜି ଦେଖ

କାଲି କିଏ ଢାଳୁଥିଲା ଲୁହ I

ଜୀବନର ଦୋଛକିରେ

କା' ଆଖିରୁ ହଜେ ସବୁଜିମା

କିଏ ସେ ଦେଖୁଛି ସ୍ୱପ୍ନ

ଇନ୍ଦ୍ରଧନୁ ସାତରଙ୍ଗ

ଆକାଶର ଅନନ୍ତ ନୀଳିମା I

ଚାନ୍ଦିନୀ ଚାନ୍ଦୁଆ ତଳେ

କା' ଆଖିରେ ଅନ୍ଧାର ଘୋଟୁଛି

ଅଧାଦେଖା ସ୍ୱପ୍ନଟିଏ ଦେଖିବାକୁ

କିଏ ଟିକେ ନିଦ ଦରାଣ୍ଡୁଛି I 

ଜୀବନ ବହିକୁ ଖୋଲି

କିଏ ଏଠି ଲୁହ ନିଗାଡୁଛି

ସ୍ୱପ୍ନର ମଦିରା ପିଇ

ଇତିହାସ ଶେଷ ପୃଷ୍ଠା କିଏସେ ପଢୁଛି

କିଏ ପୁଣି ନିଜକାନ୍ଧେ ନିଜଶବ ବୋହି

ନିଜ ପାଇଁ ଜୁଇ ସଜାଡୁଛି I