ଖୋଜି ହୁଏ

ମନ ଖୋଜି ହୁଏ ରାତି ଦିନ କାହିଁ

ଆଖି ହେଉଥାଏ ଝୁରି

ନିଦ ରହୁନାହିଁ ଆୟତରେ ଜମା

ସ୍ବପ୍ନ ଯେବେ ଦେଲ ଭରି ।

ରାତି ରାତି ବିତେ ଭାବନାରେ କେତେ

ଆନମନା ହୁଏ ମନ

ପ୍ରତିଶୃତି ନୁହେଁ ପ୍ରତିବଦ୍ଧ ହୋଇ

ଭରି ଦିଅ ଶୂନ୍ୟସ୍ଥାନ ।

ନୟନର ବାରି ଆସେ ଯେବେ ଝରି

ଲେଖି ହୁଏ ତୁମ ନାମ

ଦେଖିବ କେମିତି ଦେଖେଇବି କୁହ

ଅନ୍ତର ତଳର ପ୍ରେମ ।

ସ୍ବପ୍ନ ରାଇଜର ସାଥିଟିଏ ହୋଇ

କେତେ ଦିନ ଥିବ ରହି

ବାସ୍ତବରେ ଆସି ହେ ପ୍ରିୟ ମଣିଷ

କେବେ ଯାଅ ଥରେ କହି ।

ମନ ମନ୍ଦିରର ଦେବତା ହେ ମୋର

କର ମୋତେ ପୂଜାରିଣୀ

ପ୍ରୀତି ଅର୍ଘ୍ୟ ଦେଇ ପୁଜୁଥିବି ନୀତି

ଘେନ କର ବାରେ ପାଣି।