କହିଦିଅ ତୁମେ ଭଲ ପାଅ
କହିଦିଅ ତୁମେ ଭଲ ପାଅ
ଯେବେଠୁ ଦେଖିଛି
ତୋତେ ଲୋ ସୁନ୍ଦରୀ
ପାଗଳ ହୋଇଛି ମନ,
ଚୋରି କରିଥିଲୁ
ହୃଦୟକୁ ମୋର
ଝୁରେ ତୋତେ ରାତି ଦିନ।
ଭାବେ ତୋର କଥା ନିଦେ, ଉଜାଗରେ
ଯେବେଠୁ ହୋଇଥିଲା ଦେଖା,
କେମିତି କହିବି କାଟେ ମୋର ଦିନ
ଆବୋରି ତୁମରି ଚିନ୍ତା।
ଭଲ ପାଇବାଟା ପାପ ନୁହେଁ
ଭୁଲି ଯିବା ପାପ ତୋରି,
କେମିତି ସହିବି ତୁ ଯଦି ଚାଲିବୁ
ଆଉ କାହା ହାତ ଧରି।
ମୁଁ ପରା ତୁମ ରାଜକୁମାର
ହସ ତୁମ କିଣି ଥିଲା ହୃଦୟକୁ ମୋର
ଏବେ ପ୍ରତାରଣା କରି
ମୋତେ କାହିଁ କରୁଛ ଦୂର।
ତୁମେ ମୋତେ ଭୁଲିଯିବ ଭାବିଛ
ନା ମୋ ସହ ଚାଲିବା ପାଇଁ ଚାହୁଁଛ
ଏ କଥା ମୁଁ ଜାଣିପାରୁନି ସତ,
କିନ୍ତୁ ତୁମ ହୃଦୟର ମନ୍ଦିରରେ
ମୋତେ ଏବେବି ରଖିଛ ଜାଣିଛି
ତେଣୁ ତୁମ ପାଇଁ ହେଇଛି ଅପେକ୍ଷାରତ।
ଆଜିବି ଖୋଲା ରଖିଛି
ତୁମ ପାଇଁ ମୋ ସୁନ୍ଦର ହୃଦୟ,
ସାରା ଜୀବନ ଭଲ ପାଉଥିବି
ନ କରି ଲାଜ ଭୟ।