ଡେମ୍
ଡେମ୍
1 min
180
ପାଗଳ ଭଅଁର ଫୁଲ ପାଇଁ ଯେପରି
ଘୁରି ବୁଲେ ଦେଶେ ଦେଶେ
ମୋ ମନ ଉଚ୍ଛନ୍ନ ସନ୍ଧ୍ୟା ସମୟେ
ଯଦି ଦେଉଳି ଡେମ୍ ନ ଦିଶେ।
ଗେଟ୍ ବନ୍ଦ ପାଇଁ ଦୂରଦୂରାନ୍ତର ପକ୍ଷୀ
ଆସି ନାହିଁ ବାଇକ୍ ଚଢି
ବହୁଦିନ ହେଲା ଆଉ ସଞ୍ଜ ବେଳା
ବସିନାହିଁ ସାଥି ସାଜି।
ପଥର ଓ ମାଟି ବନ୍ଧ ତୁମେ
ସାଇତିଛ ପ୍ରେମ କେତେ
ସମସ୍ତଙ୍କର ମନ ମୋହି ନିଅ
ଥରୁଟେ ଦେଖିଲେ ତୋତେ।
ଡେମ୍ ଆମ ସରଗ ପରି
ସୁନ୍ଦର ଦୃଶ୍ୟରେ ଯାଉଛି ପୁରି
ମାଟିରେ ଗଢା ଏ ଡେମ୍ ଆମ
ପୁରିଛି ଭରି ସରଗ ଧାମ।
ତୁମର ଏ ସୁନ୍ଦର ସୃଷ୍ଟିରେ
ମୋ ମନର କବିତ୍ଵ ଝରିପଡେ
କାରଣ କବିତା ମୋ ତୁମଠୁ ଆରମ୍ଭ
ତୁମଠି ଶେଷ ହୁଏ.......।