କହିବି କାହାକୁ ଶୁଣିବ କିଏ

ଏମିତି କିଛି କଥା ଅଛି

 କହିବି କାହାକୁ ଶୁଣିବ କିଏ

ସଭିଏଁ ଶଢନ୍ତି ନିଜର ଦୁଃଖରେ

  ସବୁଠୁ ବିଚିତ୍ର ସଂସାର ଇଏ।

ଅନ୍ୟର ଭୁଲ୍ କୁ ବାଛନ୍ତି ଅନେକ

  ନିଜ ଦୋଷ ତ୍ରୁଟି ଦେଖନ୍ତି ନାହିଁ

ସଜ ମାଚ୍ଛେ ପୋକ ପକାଇ ଦିଅନ୍ତି

   ଦେଖାଇ ଥାଆନ୍ତି ନିଜ ବଡ଼ାଇ।

କୁଆ ଉଡିଗଲେ ଛୁଆ ଉଡିଗଲା

  କହିଥାନ୍ତି ଘର ବାହାରେ ବୁଲି

ଆଜି କହିଥିବା ନିଜର କଥାକୁ

  କାଲିକି ସେ ଯାଇ ଥାଆନ୍ତି ଭୁଲି।

ନିଜର ବୋଲି ମୁଁ ଭାବୁଛି ଯାହାକୁ

  କୋଳରେ ପଶି ସେ କାଟୁଛି ତଣ୍ଟି

କହିବି କାହାକୁ ଶୁଣିବ ବା କିଏ

  ନିଜର କିଏ ମୋ ଭାବୁଛି ବସି।