କହିବା ଲୋକ ତ କହିବେ
କହିବା ଲୋକ ତ କହିବେ
ଉଡିବା ଆଗରୁ କାଟିଦେବେ ଡେଣା
ସିଧା ରାସ୍ତାରେ ବି ହେବା ବାଟବଣା ।
ଚାଲିବା ରାସ୍ତାରେ ଖୋଳିଦେବେ ଗାତ
ଠିଆ ହୋଇଥିଲେ ମାରିଦେବେ ଲାତ ।
ଇର୍ଷାର ଠାକୁର ଇର୍ଷା ହିଁ ପ୍ରସାଦ
ସଫଳତା କାହାର କିପରି ସହିବେ
କହିବା ଲୋକ ତ କହିବେ।
ମିଳିବା ଆଗରୁ ନେବେ ସେ ଛଡେଇ
ସ୍ଥିର ଥିଲେ ତୁମେ ଦେବେ ସେ ଗଡେଇ।
ହସିବା ପୂର୍ବରୁ ଆଣିଦେବେ ଲୁହ
ଆରମ୍ଭ ପୂର୍ବରୁ ଆଉ ଟିକେ ରୁହ।
କୁଳୀ ର ପ୍ରକୃତି ଦ୍ୱେଷରେ ହିଁ ଭକ୍ତି
ହାଏ ହାଏ
ଚୁପ ସେ କିପରି ରହିବେ
କହିବା ଲୋକ ତ କହିବେ ।
ବସିବା ଆଗରୁ ଝିକିବେ ଆସନ
ପ୍ରେମ କଲେ ତୁମେ ଭାଙ୍ଗିଦେବେ ମନ।
ଜଳିବା ଆଗରୁ ଲିଭାଇବେ ନିଆଁ
ସାହାର୍ଯ୍ୟ ମାଗିଲେ ମାରିଦେବେ ଡିଆଁ।
ଲୁପ୍ତ ଅଭିମାନ ସୁପ୍ତ ନଇ ଧାର
ହାଏ ସେ ଯେ
ସାଥିରେ କିପରି ବହିବେ
କହିବା ଲୋକ ତ କହିବେ।
ଜାଗିବା ଆଗରୁ ମାରିଦେବେ ଇଚ୍ଛା
ଉଚ୍ଚକୁ ବଢିଲେ ଦେଖେଇବେ ନିଚ୍ଚ।
ଶିଖିବା ଆଗରୁ ଚିରିଦେବେ ବହି
କୂପର ମଣ୍ଡୁକ ଦେବେ ସେ ସଜେଇ।
ଆଦିତ୍ୟ ଆସିବେ ପଶ୍ଚିମରେ ସିନା
ହାଏ ଇର୍ଷା
ପୂଜା ସେ କି ଛାଡିବେ
କହିବା ଲୋକ ତ କହିବେ।