କହଇ ମନଆରେ ମୋ ବୋଲକର-୧

କହଇ ମନଆରେ ମୋବୋଲ କର ,

କୃଷ୍ଣ ଶ୍ରୀରାମ ନାମ ତୁଣ୍ଡରେ ଧର ।

କେତେ ଦିନକୁ ଆଉ ଆଶା ରଖିବୁ,

କେବେ ଆସିବ ଦିନ କୃଷ୍ଣ ଭଜିବୁ ।।୧।।

ଖାଇ ଭୂଞ୍ଜିଣମତ୍ତ ହେଉରେ ମନ,

ଖଟ_ପଳଙ୍କେ ଶୋଉ ପାଶୋରି ନାମ ।

ଖଳ ଦୁର୍ବୁଦ୍ଧିପାଞ୍ଚି ନେଉଛୁ ଦିନ,

କ୍ଷଣେ ନଧରୁ ତୁଣ୍ଡେ ଶ୍ରୀହରିନାମ । । ୨ । ।

ଗାରିମା ପଣକୁ ତୁ ବହୁ କେସନ,

ଗଲେଣି ତୋ ସଙ୍ଗରେ ଅନେକ ଜନ ।

ଗୁରୁ ଗୋବିନ୍ଦଙ୍କୁ ତୁ ଚିହ୍ନିଲୁ ନାହିଁ,

ଗର୍ବରେ ପଡିଗଲୁ ବେପଥି ହୋଇ ।।୩।।

ଘର କରିଛୁ ସୁଖେ କାମିନୀ ନେଇ,

ଘଟ ଛୁଟିଲେ ସଙ୍ଗେ ଯିବକି ସେହି ।

ଘଟ ଛୁଟନ୍ତେ ନେବେ ମଶାଣୀ ଭୁଇଁ,

ଘରେ ଗୋବର ପାଣି ଛିଞ୍ଚିବେ ନେଇଁ ।।୪।।

ଅନାଥ ନାଥ ସେହି ଦୀନ ବାନ୍ଧବ,

ଅଗତି ଗତି ଗୋପୀ ପ୍ରାଣବଲ୍ଲଭ ।

ଅଚ୍ଯୁତ ପାଦପଦ୍ମେ ଦିଅତୁ ମନ,

ଅନାଥ ନାଥ ଜଗତର ଜୀବନ । । ୫ । ।

ଚଞ୍ଚଳ ଚିତ୍ତ ତୋର ଭୋଗ ବିଳାସେ,

ଚକ୍ଷୁ ଯୁଗଳକୁ ତୁ ଟାଣୁ ସେ ରସେ ।

ଚକ୍ରଧର ଶ୍ରୀହରି ସେ ପ୍ରେମମୟ,

ଚିତ୍ତ ତୁ ଦିଅ ବାରେ ସେ ଦୟାମୟ । । ୬।।

ଛନ୍ଦି ହୋଇ ରହିଛୁ ସ୍ତ୍ରୀ ପୁତ୍ର ମୋହେ,

ଛଳ କରିଣ ତୋତେ କରନ୍ତି ସ୍ନେହେ ।

ଛକା ପଞ୍ଝା ଖେଳ ସେ ଖେଳାଉ ଥିବେ ,

ଛକିଣ କେତେବେଳେ ତୋ ପ୍ରାଣ ନେବେ । । ୭ ।।

କ୍ରମଶଃ . . .