କେମିତି ଲାଗେ?

କେମିତି ଲାଗେ

ଯେତେବେଳେ

ହୃଦୟରେ କୋହର ବରଷା ବରଷି

ଛାତିକୁ ଫୁଲେଇ

ଉଛୁଳି ପଡ଼ି

ଆଖିବାଟେ ବାହାରିଯାଏ

ଅଣାୟତ୍ତ ହୋଇ

ମନକୁ ଅସହାୟ କରି

କେମିତି ଲାଗେ

ଯେତେବେଳେ

ଅନେକ ଅକୁହା କଥା

ବେଦନା ସାଜି

ପେଟରେ ଜାକିଜୁକି ହୋଇ

କରନ୍ତି କଲବଳ

ହେବାକୁ ସ୍ୱାଧୀନ

ଆଉ

ପାଟି ଅସହାୟ ପଥିକ ପରି

ହୁଏ ବାଟବଣା

ହୋଇ ଲକ୍ଷ୍ୟହୀନ

କେମିତି ଲାଗେ?

ଯେତେବେଳେ

ମିଳେ ଅଜସ୍ର ସମ୍ମାନ

ଆଉ ପୁଣି କୋଟି ଅଳଙ୍କାର ଧନ

ହେଲେ

କେଉଁଥିରେ ଵି ଟିକେ ନ ଥାଏ ଏ ମନ

ପୁଣି

ଜଳେ ନାହିଁ ପଛେ

ଘରେ ଚୁଲିର ଅଙ୍ଗାର

ମନପକ୍ଷୀ ଉଡ଼େ ନୀଳ ଆକାଶେ

ଡେଣା ଝାଡ଼ି ଫଡ଼ଫଡ଼

ହୃଦୟ ସ୍ପନ୍ଦନ ଗାଏ ଜୀବନଗୀତି

ଜୀବନଟା ଲାଗେ ସରଗପୁର