କେମିତି କହିବି

ହେ ମୋର ଜନନୀ କେମିତି କହିବି ଯୋଗ୍ୟ ସନ୍ତାନଟେ ମୁହିଁ

ଭାଷା ବଇଭଵ ଅକ୍ଷୁଣ୍ଣ ରଖିବି  ମୋହର ସାମର୍ଥ୍ୟ ନାହିଁ ।

ପରିବାରଠାରୁ ଦପ୍ତର ଯାଏଁ  ବିଦେଶୀ ଭାଷାର ମୋହ

ଅକିଞ୍ଚନ ମନ ଓଡ଼ିଆ ଆଦରେ ବକ୍ଷରେ ସଞ୍ଚିତ କୋହ ।

ସର୍କସ ଖେଳରେ ମୁଁ କିବା ଜୋକର  ଚକିତ ନଜର କେତେ

ଆବେଦନ ପତ୍ର ଓଡ଼ିଆ ଲେଖିଲେ  ମୁରୁଖ ଭାଳନ୍ତି ମୋତେ ।

ସାଙ୍ଗସାଥୀମେଳେ ଓଡ଼ିଆ କଥନ  ତାତ୍ସଲ୍ୟର ପାତ୍ରୀଟିଏ

ଇଂରାଜୀ ଦିପଦ କହିପାରେ ନାହିଁ  ଅଜ୍ଞାନର ଆଖ୍ୟା ପାଏ ।

ମାଆ କହିଥିଲି ଯେଉଁ ତୁଣ୍ଡେ ମୁହିଁ  ମାତୃଭାଷା ପରଶରେ

ଅରୁଚିକର କି ହୋଇଯିବ କେବେ  ମନେ ଭୀତି ସୃଷ୍ଟିକରେ ।

ଯୁଆଡେ ଚାହୁଁଛି ଇଂରାଜୀ ଫଳକ  ଓଡ଼ିଆରେ ନାନା ତ୍ରୁଟି

ପାରେନାହିଁ ମୋର ଭାବାବେଗ ରୋକି ଅସଫଳ ମତ ବାଣ୍ଟି ।

ଚାରିପାଶେ ମୋର ଆତ୍ମଘୋଷିତ  ବିଦେଶୀ ଫେରନ୍ତା ବ୍ୟକ୍ତି

ମୋ ଭାଷା ମଧୁର ସବୁଠୁ ସୁନ୍ଦର  ଅସ୍ତିତ୍ୱ ହରାଏ ଉକ୍ତି ।