କେବେ ଆସିବ ତୁମେ ମୌସୁମୀ
କେବେ ଆସିବ ତୁମେ ମୌସୁମୀ
ଗୁଳୁଗୁଳି, ଗରମ ଅସହ୍ୟ ହେଲାଣି ।
କେବେ ଆସିବ ତୁମେ ମୌସୁମୀ ।।
ଗଛଲତା ପତ୍ର ସବୁ ଗଲାଣି ଝଡି ।
ଜଳକଷ୍ଟେ ଜୀବ ଦେଲେଣି ରଡି ।।
ଟାଣ ଖରାରେ ଧରା ଆଁ କଲାଣି ।
କୃଷକ ମୁଣ୍ଡରେ ହାତ ଦେଲେଣି ।।
ଅନାଇ ରହିଛି ଚାତକ ତୁମକୁ ।
ମେଣ୍ଟାଅ ତା ଅସରନ୍ତି ତୃଷ୍ଣାକୁ ।।
ନଦୀ, ପୁଷ୍କରିଣୀ ଗଲାଣି ଶୁଖି ।
ସହ୍ୟ ହେଉନାହିଁ ଏସବୁ ଦେଖି ।।
ଡେରି କରନାହିଁ ଯାଅ ବରଷି ।
କଳାମେଘ ରଥେ ସଅଳ ଆସି ।।
ଶୀତଳ ବର୍ଷାଜଳ ଦିଅ ବରଷି ।
ଜଳ ପାଇ ସଭିଏଁ ହୁଅନ୍ତୁ ଖୁସି ।।