କବିତା

କବିତା......

ତୁମେ ମୋର ଆଶା ତୁମେ ମୋର ନିଶା

ତୁମେ ମୋ ମନର ତୃଷ୍ଣା |

ତୁମ ଭାବ ର ଉତ୍ପତି ଆତ୍ମା କରେ ତୃପ୍ତି

ତୁମ ଭାବରେ ଝରେ ଜ୍ୟୋତ୍ସ୍ନା ||

କବିତା......

ତୁମେ ଯେ ସରସୀ ତୁମେ ଯେ ଅଳସୀ

ତୁମେ କାକର ର ବିନ୍ଦୁ |

ତୁମେ ମଧୁ ରାତି ତୁମେ ମଧୁ ପ୍ରୀତି

ତୁମେ ଯେ ପ୍ରେମ ର ସିନ୍ଧୁ ||

କବିତା......

ତୁମେ ଶରତ କାଳରେ ବସନ୍ତ ଡାଳ ରେ

କୋଇଲି କୁହୁ ରେ ଆସି |

ଗାଓ କବି ମନେ କେତେ ଭାବ ଜନ୍ମେ

ଅନ୍ତରେ ହୁଏ ସେ ଖୁସି ||

କବିତା......

ତୁମେ କବିର ଭାବନା କବିର ଲେଖନୀ

କବିର ଅକୁହା କଥା |

ତୁମ ପାଇଁ କବି ଲେଖେ ଭାବି ଭାବି

ଗହୀର ମନ ର ଗାଥା ||

କବିତା.....

ତୁମେ ଯେ ସୁନେଲି ତୁମେ ଯେ ରୂପେଲି

ତୁମେ ପୁଣି ଶୁଭ୍ର ତାରା |

ନିତି ଆସି ରୁହ ଭାବନା ରେ ମୋର

ମୋ ଲେଖନୀ ରେ ଦିଅ ଧରା ||