Library
କବିତା ପର୍ବ : ଗୀତି-କବିତା-20 : କାର୍ତ୍ତିକ ପୂର୍ଣ୍ଣିମା : -ଡକ୍ଟର କୃତ୍ତିବାସ ନାୟକ
କବିତା ପର୍ବ : ଗୀତି-କବିତା-20 : କାର୍ତ୍ତିକ ପୂର୍ଣ୍ଣିମା : -ଡକ୍ଟର କୃତ୍ତିବାସ ନାୟକ
1 min
240
ଓଡ଼ିଆ ବଣିକ ସୌଦାଗର ମୁଁ ଯାଉଛି ବୋଇତ ନେଇ,
ଦେଶର ମହକ ବିତରି ଆସିବି ଦୂର ବିଦେଶକୁ ଯାଇ | |(0)
ଓ଼ଡିଆ ଜାତିର କଳା-ସଂସ୍କୃତିକୁ ଦେଖିବେ ବିଦେଶୀ ଲୋକ,
ଜଗତନାଥଙ୍କ ଜୟଗାନ କରି ଭୁଲିଯିବି ଦୁଃଖ-ଶୋକ |
ପିପିଲି ଚାନ୍ଦୁଆ ଟାଙ୍ଗିଦେଇ ପୁଣି ନାଚିବି ତା' ଥେଇ ଥେଇ |
ଓଡ଼ିଆ ବଣିକ ସୌଦାଗର ମୁଁ ଯାଉଛି ବୋଇତ ନେଇ |(1)
ସମ୍ବଲପୁରରୁ ଶାଢ଼ୀ ବ୍ରହ୍ମପୁର ପାଟ ମୋ ସାଥିରେ ଥିବ,
ରଘୁରାଜପୁର ପଟ୍ଟଚିତ୍ର ସହ ତାରକସି କାମ ଯିବ |
କଣ୍ଟିଲୋ ତିଆରି ବାସନ କୁସନ ବୋଇତରେ ନେବି ବୋହି |
ଓଡ଼ିଆ ବଣିକ ସୌଦାଗର ମୁଁ ଯାଉଛି ବୋଇତ ନେଇ | (2)
ଖଇମୁଆଁ ଲଡୁ ବାରିପଦା ମୁଢି ପାହାଳରୁ ନେବି ମିଠା,
କୋରାପୁଟ ମାଟି ଲଙ୍କାଆମ୍ବ ମଞ୍ଜି ଗାଆଁ ଛେନା ପୋଡ଼ ପିଠା |
ଥରେ ଯେ ଖାଇବ ଗୁଣ ଗାଉଥିବ ପାଟିରୁ ଛାଡ଼ିବ ନାହିଁ |
ଓଡ଼ିଆ ବଣିକ ସୌଦାଗର ମୁଁ ଯାଉଛି ବୋଇତ ନେଇ |(3)
