କବିତା ପର୍ବ : (ଅତିରିକ୍ତ) କବିତା-49 : ତୁମେ : -ଡକ୍ଟର କୃତ୍ତିବାସ ନାୟକ

ତୁମେ ମୋ ଆଖିର ଜ୍ୟୋତି ସ୍ଵରୂପା କୁମାର ପୂର୍ଣ୍ଣିମା ରାତ୍ରୀ,

ସକଳ କଳାର ପୃଷ୍ଠ ଭାଗରେ ସଫଳ ପ୍ରେରଣା ଦାତ୍ରୀ | (ଘୋଷା)

ହଂସ ମିଥୁନ ପରି ଉଡ଼ିଯିବା ଦୂର ଦିଗବଳୟକୁ ଚାହିଁ,

ଚକୋର ଚକୋରୀ ପରି ଚାହିଁଥିବା ଆଷାଢି ବର୍ଷା ପାଇଁ |

ଦୁନିଆ ଜାଣିଛି ମୁଁ ତୁମର ପ୍ରେମ ପ୍ରଣୟ ପଥର ଯାତ୍ରୀ |

ତୁମେ ମୋ ଆଖିର ଜ୍ୟୋତି ସ୍ଵରୂପା କୁମାର ପୂର୍ଣ୍ଣିମା ରାତ୍ରୀ,

ସକଳ କଳାର ପୃଷ୍ଠ ଭାଗରେ ସଫଳ ପ୍ରେରଣା ଦାତ୍ରୀ | (1)

ଜଳିଯିବା ଆମେ କାମନା ନିଆଁରେ ବୁଡ଼ି ପ୍ରୀତି ପାରାବାରେ,

ସୂର୍ଯ୍ୟଶିଖାକୁ ଚନ୍ଦ୍ର ଜ୍ୟୋତ୍ସ୍ନାକୁ ଆମ ପ୍ରେମ ଜିତିପାରେ |

ମୁହିଁ ସାଜିଥିବା କାମଦେବ ପୁତ୍ର ତୁମେ ରତିଦେବୀ ପୁତ୍ରୀ |

ତୁମେ ମୋ ଆଖିର ଜ୍ୟୋତି ସ୍ଵରୂପା କୁମାର ପୂର୍ଣ୍ଣିମା ରାତ୍ରୀ,

ସକଳ କଳାର ପୃଷ୍ଠ ଭାଗରେ ସଫଳ ପ୍ରେରଣା ଦାତ୍ରୀ | (2)