କବିତା ପର୍ବ : (ଅତିରିକ୍ତ) ଗୀତିକବିତା-31 : ପାଦ : -ଡକ୍ଟର କୃତ୍ତିବାସ ନାୟକ
କବିତା ପର୍ବ : (ଅତିରିକ୍ତ) ଗୀତିକବିତା-31 : ପାଦ : -ଡକ୍ଟର କୃତ୍ତିବାସ ନାୟକ
ଚିହ୍ନା ଚିହ୍ନା ମୁହଁ ଦେଖି ପାଦଗଲା ଅଟକି,
ଚମକି ପଡ଼ିଲି ତା'ର ନୂଆ ରୂପ ଦେଖିକି | (ଘୋଷା)
ଯିଏ ମୋତେ କହୁଥିଲା ମୁହିଁ ଏକା ତୁମର,
ତୁମବିନା ଏ' ଜୀବନ ହେଇଯିବ ବେକାର |
ଆଜି ଚିହ୍ନି ପାରିଲାନି ଗଲା ମୁହଁ ମୋଡ଼ିକି |
ଚିହ୍ନା ଚିହ୍ନା ମୁହଁ ଦେଖି ପାଦ ଗଲା ଅଟକି,
ଚମକି ପଡ଼ିଲି ତା'ର ନୂଆ ରୂପ ଦେଖିକି | |(1)
ସିନ୍ଥିରେ ସିନ୍ଦୂର ପୁଣି ପାଦରେ ତା' ଝୁଣ୍ଟିଆ,
ପିନ୍ଧିଛି ସେ ପାଟଶାଢ଼ୀ ମଥାପରେ ଖଣ୍ଡୁଆ |
ବର ସଙ୍ଗେ ଗପିଗପି ଯାଏ ବେଣୀ ଛାଟିକି |
ଚିହ୍ନା ଚିହ୍ନା ମୁହଁ ଦେଖି ପାଦ ଗଲା ଅଟକି,
ଚମକି ପଡ଼ିଲି ତା'ର ନୂଆ ରୂପ ଦେଖିକି | | (2)