କବିତା ପର୍ବ : (ଅତିରିକ୍ତ) ଗୀତି-କବିତା-40 : ତୁମେ : -ଡକ୍ଟର କୃତ୍ତିବାସ ନାୟକ

ତୁମେ ଆସିଥିଲ ମୋ ଜୀବନ ପଥେ ଫଗୁଣକୁ ସାଥେ ନେଇ,

ଚାଲିଗଲ ପୁଣି ଶ୍ରାବଣ ସାଥିରେ ମୋ ଆଖିରେ ଲୁହଦେଇ |(ଘୋଷା)

ଅମା ଅନ୍ଧକାରେ ଢାଳିଥିଲ ତୁମେ ଜ୍ୟୋଚ୍ଛନାର ମଧୁଝର,

ସେଇ ଜ୍ୟୋଚ୍ଛନାର ଶୀତଳ ପରଶ କାଟିଲା ହୃଦୟେ ଗାର |

ସରାଗ ସାଜିଲା ଅନୁରାଗ ପୁଣି ସରଗ ମଥାନ ଛୁଇଁ |

ତୁମେ ଆସିଥିଲ ମୋ ଜୀବନ ପଥେ ଫଗୁଣକୁ ସାଥେ ନେଇ,

ଚାଲିଗଲ ପୁଣି ଶ୍ରାବଣ ସାଥିରେ ମୋ ଆଖିରେ ଲୁହଦେଇ | (1)

ପ୍ରଣୟ ବିଭୋର ମିଳନ ଆତୁର ଆମ ଦୁହିଁଙ୍କର ମନ,

ସପନ ଦେଖିଲା ଆକାଶେ ଉଡ଼ିଲା ଖୋଜିଲା ପୂନେଇଁ ଜହ୍ନ |

ମୋତେ ଲାଗେ ଭଙ୍ଗା ଆକାଶ ବୁକୁରେ ଜଳୁଛି ପ୍ରେମର ଜୁଇ |

ତୁମେ ଆସିଥିଲ ମୋ ଜୀବନ ପଥେ ଫଗୁଣକୁ ସାଥେ ନେଇ,

ଚାଲିଗଲ ପୁଣି ଶ୍ରାବଣ ସାଥିରେ ମୋ ଆଖିରେ ଲୁହଦେଇ | (2)