କବିତା ପର୍ବ : (ଅତିରିକ୍ତ) ଗୀତି-କବିତା-35 : ତୁମେ : -ଡକ୍ଟର କୃତ୍ତିବାସ ନାୟକ

ତୁମେ ପ୍ରିୟା କୃଷ୍ଣଚୂଡ଼ା ହୃଷ୍ଟହେନା ମଧୁରାତି,

ତୁମନାମ ତନ୍ଦ୍ରାହରା ସୁଖଭରା ଜହ୍ନରାତି |(ଘୋଷା)

ସକାଳର ମିଠା ମିଠା ସୂର୍ଯ୍ୟ ରଶ୍ମି ତୁମ ରୂପ,

ସଞ୍ଜବେଳା ଗୋଧୂଳିର ତୁମେ ମୋର ସନ୍ଧ୍ୟାଧୂପ |

ଅପାଶୋରା-ଅପାଶୋରା ମଧୁଝରା ତୁମ ପ୍ରୀତି,

ତୁମେ ପ୍ରିୟା କୃଷ୍ଣଚୂଡ଼ା ହୃଷ୍ଟହେନା ମଧୁରାତି,

ତୁମ ନାମ ତନ୍ଦ୍ରାହରା ସୁଖ ଭରା ଜହ୍ନରାତି | (1)

ତୁମ କଥା କବିତାର ଛନ୍ଦଭରା ହୀରାଫୁଲ,

ତୁମ ଚାଲି ନୃତ୍ୟରତା ଊର୍ବଶୀର କି'ବା ତୂଲ ?

ତୁମ ସ୍ମୃତି ଝାପସା ଖରା-ଝାପସା ଖରା ଦୂର ଅତି,

ତୁମେ ପ୍ରିୟା କୃଷ୍ଣଚୂଡ଼ା ହୃଷ୍ଟହେନା ମଧୁରାତି,

ତୁମ ନାମ ତନ୍ଦ୍ରାହରା ସୁଖଭରା ଜହ୍ନରାତି | |(2)